दिपेन्द्र कार्की बस्ताकोटी, दैलेख
श्रावण १८, २०८१

सोसेक नेपालको हातेमालो परियोजनाले दुल्लु भैरवी क्षेत्रमा आफ्नो कार्यको थालनी गरेको छ । महिला वालवालिका, अपांग, पिछडिएका तथा लोपउन्मुख समुदायको क्षेत्रका साथै विपद व्यवस्थापन लगाएत विकासनिर्माणका क्षेत्रमा क्रियासिल सोसेक नेपालको नयाँ परियोजनाको रुपमा हातेमालो परियोजनाले दुल्लु नगरपालिका तथा भैरवी गाउँपालिकामा आफ्नो कार्य शुभारम्भ गरेको छ । परियोजनाले दैलेखका ४ वटा स्थानिय तहहरु नौमुले, नारायण, दुल्लु र भैरवीमा अपांगता भएका वालवालिकाको क्षेत्रमा काम गर्ने उद्धेश्यका साथ आवश्यण कार्यक्रम प्रस्तुत गर्दै परियोजनाको परिचयात्मक कार्यक्रम सम्पन्न भएको छ ।
दुल्लु नगरपालिका तथा भैरवी गाउँपालिकामा उक्त परियोजनाले आफ्नो स्पस्ट कार्यक्रम सहित परिचयात्मक कार्यक्रमबाट हाम्रो आवाज हाम्रो सहभागिता नारा समेत तय गर्दै अगाडी बढेको छ । परिचयात्मक कार्यक्रमको अवसरमा दुल्लु नगरपालिका उपप्रमुख बिना कार्कीले नगरपालिकाले हरेक विकासनिर्माणका क्षेत्रमा विभिन्न संघसंस्थाहरुसँगको साझेदारी गर्दै आएको भन्दै सोसेकको हातेमालो परियोजनाले समेत थप सहयोग गर्ने अपेक्षा राखेको बताउनुभयो ।

यसै गरि भैरवी गाउँपालिकामा परियोजनाले आयोजना गरेको परिचयात्मक कार्यक्रमको अवसरमा उपाध्यक्ष देवी भण्डारीले भैरवी गाउँपालिकाले गर्ने कार्यमा परियोजनाले सुरुवात गरेकोमा खुशी व्यक्त गर्दै परियोजनाको हरेक क्रियाकलापमा साझेदारी र सहयोग गर्न आफुहरु तयार भएको बताउनुभयो ।

कार्यक्रमको सहजिकरण सोसेक नेपाल हातेमालो कार्यक्रम निर्देशक नवराज विसीले गर्नुभएको थियो

दिपेन्द्र कार्की बस्ताकोटी ,दैलेख
दैलेख । कर्णाली प्रदेशमा नेपाली कांग्रेसले कर्णाली प्रदेश सरकारमा सहभागी हुने मन्त्रीको नाम टुंगो लगाएको छ ।
कांग्रेस प्रमुख सचेतक हिक्मत विष्टका अनुसार सामाजिक विकास मन्त्रालय, आर्थिक मामिला तथा योजना मन्त्रालय, उद्योग, पर्यटन, वन तथा वातावरण मन्त्रालय र जलस्रोत तथा ऊर्जा विकास मन्त्रालय कांग्रेसले लिने एमालेको नेतृत्वको सरकारमा सहभागी हुने टुंगो लगाएको हो ।
कांग्रेसको संसदीय दलको बैठकले नेकपा एमालेको नेतृत्वमा रहेको सरकारमा सहभागी हुने चार जना मन्त्रीको नाम टुंगो लगाएको हो । जस अनुसार सामाजिक विकास मन्त्रीमा दैलेख घनश्याम भण्डारी, आर्थिक मामिला तथा योजना मन्त्रीमा जाजरकोटका राजीवविक्रम शाह, उद्योग, पर्यटन, वन तथा वातावरण मन्त्रीमा सल्यानका सुरेश अधिकारी र जलस्रोत तथा ऊर्जा विकास मन्त्रीमा हुम्लाकी विजया बुढा मन्त्री बन्ने भएका हुन् ।
मन्त्रीहरूको नाम मुख्यमन्त्री यामलाल कँडेललाई बुझाइएको कर्णाली प्रदेश नेपाली काँग्रेसका सचेतक हिक्मत विष्टले जानकारी दिए ।