दिपेन्द्र कार्की बस्ताकोटी, दैलेख
असोज ८, २०८१

कर्णाली प्रदेशको डोल्पा जिल्ला त्रिपुरा सुन्दरी नगरपालिका उपप्रमुख देवि घर्तिले राज्यस्तरबाट कर्णालीलाई हेर्ने नजर फरक भएको बताउनुभएको छ । उहाँले साबिकको कर्णाली लाई प्रदेश र संघ सरकारले बेवास्ता गरेको भन्दै शिक्षा स्वास्थ्य खानेपानी, सडक लगाएत विकास पुर्वाधार निर्माणमा ठुलो चुनौति रहेको बताउनुभएको छ । वुधबार टिभि टुडे टेलिभिजनसँगको कुराकानीमा उपप्रमुख घर्तीले उक्त धारणा राख्नुभएको हो ।
राज्यले सुगम र दुर्गम जिल्लालाई एउटै नजरबाट हेर्ने र विकास बजेट समेत समानान्तर गर्ने भएकाले दुर्गममा सोचे अनुरुप लगानी गर्ने वातावरण नभएको समेत बताउनुभयो । उपप्रमुख घर्तीले विकट जिल्लाको एक पहिचान बोकेको स्थानिय तहको रुपमा रहेको त्रिपुरा सुन्दरी नगरपालिकाले शिक्षा स्वास्थ्य खानेपानी लगाएत हरेक वडाक्षेत्रमाा सडक विस्तारको योजनालाई प्राथमिकतामा राखेको बताउनुभएको छ । साथै कुराकानीको क्रममा उपप्रमुख घर्तीले विकट दुर्गमका महिलाहरुको जीवनस्तर माथी उठाउनका लागि विभिन्न शिपमुलक तालिम र आयआर्जनका कार्यक्रमहरुमा समेत प्राथमिकताका साथ काम गर्दै आइरहेको बताउनुभयो ।