दिपेन्द्र कार्की बस्ताकोटी, दैलेख
२३ माघ,२०८१

विकट कर्णाली र कर्णालीसँगै रहेको सुदुरपश्चिमको अछाम समेत विकट नै छ । अछाम जिल्लाको तुर्माखाँद गाउँपालिकाको रहफ क्षेत्र झन विकट छ । जहाँ पुग्नको लागि कर्णाली नदिको जिर्ण झोलुंगे पुल तर्नुपर्छ भने दैलेखको ३ वटा पालिका र अछामको तिन वटा पालिकाको बाटो भएर पुग्नुपर्ने हुन्छ । विगतमा दैलेख जिल्लाको क्षेत्र भएपछि पछिल्लो समय उक्त क्षेत्र कर्णाली नदिको सिमानासँगै अछाम जिल्लामा अवस्थित छ । राज्यकोल नजरबाट बाहिर रहेको र चारैतिर कर्णाली नदि रहेको रहफ क्षेत्रका नागरिकहरुको अवस्था अहिले पनि दयनिय छ ।

यतिबेला उक्त क्षेत्र अछाम जिल्लाको तुर्माखाँद गाउँपालिका १ रहफ लगाएत कर्णाली नदिसंगै सिमा जोडिएको दैलेखको दुल्लु नगरपालिकाको वडा नं. १ नाउले क्षेत्रमा डिसिएको आर्थिक सहयोगमा सोसेक नेपालको ग्रिन कर्णाली परियोजना सञ्चालनमा आएको छ । ग्रिन कर्णाली परियोजना मार्फत बाख्रा उपहार कार्यक्रममा रहफका ६८ जना तथा नाउलेका ३० जना दलित किसानहरु समेटिएका छन । राज्यको नजरसँगै स्थानिय सरकारको कुनै पनि सहयोग समेत प्राप्त नगरेका अछाम तुर्माखाँद रहफका लाभान्वित ति किसानहरु यतिबेला बाख्रा उपहार कार्यक्रम मार्फत प्रति परिवार ४ वटा बाख्रा लगाएत बोका, खोर , बाख्रा नुहाउने डिपिंग ट्यांकी र घाँस समेत प्राप्त गरेका छन । जसबाट उनिहरुले आफ्नो जीवनै परिवर्तन भएको आभाष गरिरहेका छन ।

उक्त ग्रिन कर्णाली परियोजनाको बाख्रा उपहार कार्यक्रमबाट लाभान्वित दैलेखको दुल्लु नगरपालिका १ नाउलेका किसानहरु समेत यतिबेला कार्यक्रमको प्रभावकारीता सँगै आफुले पाएको उपहारबाट जिविकोपार्जनमा ठुलो सहयोग पुगेको भन्दै खुशी भएका छन ।
त्यसो त विकट तुर्माखाँद गाउँपालिका १ रहफका जनप्रतिनिधिहरु पनि आफुहरुले स्थानियबासीको लागि कुनै कार्यक्रम सञ्चालन गर्न नसकिरहेको अवस्थामा सोसेक नेपालको ग्रिन कर्णाली कार्यक्रमले गरिब निमुखा दलित समुदायमा ल्याएको खुशी प्रति प्रशंसा गर्नुहुन्छ ।

ग्रिन कर्णाली परियोजना मार्फत बाख्रा उपहार कार्यक्रम मार्फत विकट क्षेत्रका गरिब तथा दलित समुदायमा आएको परिवर्तनले कार्यक्रमको प्रभावकारीता बढेको भन्दै उक्त कार्यक्रम बाट लाभान्वित समुदायको जीवन सहज हुने सोसेक नेपालका कृषि प्राविधिक हिक्मेन्द्र माझी बताउनुहुन्छ ।

यसरी ग्रिन कर्णाली परियोजनाको नाम जस्तै काम र त्सले विकट क्षेत्रका दलित समुदायका नागरिकहरुको जीवनस्तर माथी उठाउने आशा गर्न सकिन्छ । राज्यको नजरबाट बाहिर रहेका उनिहरुले यतिबेला बाख्रा उपहार कार्यक्रमलाई एक जीवन उपहारको रुपमा लिएका छन ।

दिपेन्द्र कार्की बस्ताकोटी, दैलेख
२३ माघ,२०८१

दैलेखको चामुण्डाबिन्द्रासैनी नगरपालिकाले नगरपालिका क्षेत्रमा घुम्ति योजना सम्झौता शिविर लगाएत योजना उपभोक्ताहरु र रोजगार श्रमिकहरुलाई अभिमुखिकरण कार्यक्रम समेत सञ्चालन गरेको छ । नगरपालिका भित्रका १ देखी ९ वटै वडा क्षेत्रमा आर्थिक वर्ष २०८१÷०८२ मा तय गरिएका विभिन्न विकास निर्माणका योजनाहरुलाई प्रभावकारीरुपमा सम्पन्न गर्नका लागि उक्त अभियान प्रभावकारी भएको नगरपालिकाले जनाएको छ ।
दुर्गम र विकट क्षेत्रका सञ्चालन हुने योजनाहरुका लागि उपभोक्ता समितिद्धारा नगरपालिकामा पुगि झंझटपुर्ण रुपमा सम्झौता गर्नुपर्ने र ग्रामिण क्षेत्रका नागरिकहरुले सबै प्रक्रिया पुरा गरि स्थानियस्तरमा सञ्चालन हुने योजनाहरुका लागि धेरै दुःख गर्नुपर्ने वाध्यतालाई मध्यनजर गर्दै नगरपालिकाले वडा र बस्तिस्तरमै पुगि योजना सम्झौता लगाएत उनिहरुका लागि अभिमुखिकरण समेत गरिएको छ । सो अवसरमा उपभोक्ता समितिका पदाधिकारीहरुले हरेक योजनाको लागि तयार गर्नुपर्ने कागजातहरु देखि गुणस्तरियताका साथै चुनौतिहरु र नियम पालना गर्नुपर्ने नियमकानुका सन्दर्भमा स्पस्ट हुनेगरि अभिमुखिकरण समेत गरिएको छ ,भने प्रधानमन्त्रि रोजगार र मुख्यमन्त्रि रोजगारमा संलग्न श्रमिकहरुलाई आवश्यक नियमकानुनका सन्दर्भमा स्पस्ट पारिएको छ ।
उक्त अभिमुखिकरण तथा घुम्ति योजना सम्झौता शिविर कार्यक्रममा बोल्दै चामुण्डाबिन्द्रासैनी नगरपालिकाका प्रमुख प्रशासकिय अधिकृत भलाराम पंगालीले हरेक योजनाहरु गुणस्तरियरुपमा निर्माण गर्नुपर्नेमा जोड दिदैँ भोलिका दिनहरुमा समेत इतिहास बन्ने भन्दै आवश्यक नियमकानुनमा आधारित भएर निर्माण गर्नुपर्ने बताउनुभयो ।

नगरपालिकाद्धारा अभियानको रुपमा सञ्चालित उक्त घुम्ति योजना सम्झौता तथा उपभोक्ता अभिमुखिकरण कार्यक्रमको अवसरमा बोल्दै नगरप्रमुख गणेश कुमार शाहीले स्थानिय सरकार हरेक दृष्ट्रिले सेवामुखी हुनुपर्ने भन्दै जनतालाई सेवा प्रवाह गर्नका लागि जनताको घरदैलोमै पुगेर सेवा प्रदान गरिरहेको भन्दै त्यसमा हरेक नागरिकको जिम्मेवारी महत्वपुर्ण रहेको बताउनुभयो ।
साथै उक्त कार्यक्रमको अवसरमा बोल्दै चामुण्डाबिन्द्रासैनी नगरपालिका वडा नं. ९ का वडाध्यक्ष प्रेम वहादुर रावलले योजनाहरु हरेक नागरिकका जिउने आधार भएको भन्दै कुनैपनि कन्जुस्याई नगरि तोकिएको माापदण्डमा आधारित हुनुपर्ने र नागरिकहरुले आफ्नो दायित्व निर्वाह गर्नुपर्नेमा जोड दिनुभयो ।

उक्त घुम्ति योजना सम्झौतामा नगरपालिकाका सबै वडाभित्र सञ्चालित करिब ५० प्रतिशत योजनाहरु बस्तिस्तरमै सम्झौता गरिएका छन । शिविरमा नगरपालिका योजना शाखा, रोजगार शाखा लगाएत विभिन्न शाखाहरुबाट आवश्यक सहजिकरण गरिएको छ ।