दिपेन्द्र कार्की बस्ताकोटी, दैलेख
असोज ६, २०८१
कर्णाली प्रदेशको डोल्पा जिल्लाका प्रमुख जिल्ला अधिकारी तुलसी प्रसाद दाहालले भौगोलिक कठिनाईका कारण समग्र जिल्लाको सेवाप्रवाह चुनौतिका साथ अघि बढिरहेको बताउनुभएको छ । आइतबार भुगोल अन्लाइनसँगको कुराकानीमा प्रजिअ दाहालले नेपालकै ठुलो क्षेत्रफल भएको र सबैभन्दा विकट जिल्लाको रुपमा रहेको डोल्पाका विभिन्न ८ वटा स्थानिय तहहरुमा सेवाप्रवाह सामान्य रहेको बताउनुभएको छ ।
कुराकानीको क्रममा प्रजिअ दाहालले वर्षायाममा भेरी नदिमा पानिको वहाव तथा हिउँदमा हिउँ पर्ने कारण विकास निर्माण र भौतिक पुर्वाधार निर्माणमा समेत अत्यन्त चुनौति रहेको बताउनुभयो । साथै उहाँले पछिल्लो समय जिल्ला प्रशासन कार्यालयको समन्वयमा कर्णाली प्रदेशको राजधानी सुर्खेतबाट डोल्पा जोड्ने सडक लगाएत भेरी नदीमा पुल लगाएत विभिन्न संरचनाका कामहरु समेत अगाडी बढेको जानकारी गराउनुभयो ।
माथिल्लो डोल्पा र तल्लो डोल्पा भनेर मुख्य २ भागमा रहेको डोल्पा जिल्ला उत्तर चिनसँग सिमाना जोडिएको जिल्ला समेत भएको सन्दर्भमा माथिल्लो डोल्पाका केहि स्थानिय तहहरुको सेवाप्रवाह समेत सदरमुकाम दुनै केन्द्रित हुने गर्दछ ।
