दिपेन्द्र कार्की बस्ताकोटी, दैलेख
२१ चैत्र,२०८१

दैलेखको ठाटिकाँध गाउँपालिकाद्धारा बजार अनुगमन सुरु गरिएको छ । गाउँपालिकाले पहिलो पटक गरेको अनुगमन अन्तरगत आज गाउँपालिकाको केन्द्रमा रहेको ठाटिकाँध बजारको अनुगमन गरिएको छ । गाउँपालिका उपाध्यक्ष देविराम बडुवाल सहित प्रमुख प्रशासकिय अधिकृत तुलसी प्रसाद उपाध्यायको नेतृत्वमा इलाका प्रशासन कार्यालय दुल्लु, उद्योग तथा उपभोक्ता हित संरक्षण कार्यालय दैलेख र विभिन्न शाखा प्रमुखहरु सहितको टोलिले बजार क्षेत्रका खाद्यान्न तथा खुद्रा पशलहरु, होटेल, मेडिकल लगाएत विभिन्न पशलहरुको गहन अनुगमन गरेको छ । जसमा म्याद नाघेका खाद्यबस्तुहरुको चेकजाँच लगाएत व्यापारीहरु करको दायरामा आए नआएको सन्दर्भमा अनुगमन गर्दै व्यापारीहरुलाई आवश्यक सल्लाह र निर्देशन दिनुका साथै गैह् खाद्यबस्तुहरु र म्याद नाघेका बस्तुहरुलाई जफत गरिएको छ ।
उक्त बजार अनुगमनको क्रममा बोल्दै अगुमन टोलिका संयोजक तथा गाउँपालिका उपाध्यक्ष देवीराम बडुवालले पहिलो पटक बजार अनुगमन गरिएको बताउँदै विभिन्न निर्देशनका साथ कडाई गरिएको र आगामी दिनहरुमा गाउँपालिका क्षेत्रका अन्य बजारहरुमा समेत अनुगमनको दायरा बढाउने बताउनुभयो ।

अनुगमनको क्रममा बरामद गरिएका विभिन्न गैह््र खाद्यबस्तुहरु र म्याद नाघेका उपभोग्य बस्तुहरुलाई सबैको रोहबरमा नष्ट गरिएको छ भने बजार अनुगमनबाट स्थानियबासीहरु हर्षित भएका छन ।

दिपेन्द्र कार्की बस्ताकोटी, दैलेख
२० चैत्र,२०८१

दैलेखको महाबु गाउँपालिका वडा नं. ५ काँसिकाँधका महिलाहरुलाई वित्तिय शिक्षासँगै व्यवसायिक साक्षरता तालिम प्रदान गरिएको छ । ग्रामिण क्षेत्रका पुरुषहरु कामको शिलसिलामा घर बाहिर रहने र घरधन्दामा महिलाहरु जिम्मेवार रहने भएकाले उक्त क्षेत्रका महिलाहरुलाई बचत लगाएत पैसाको महत्व सम्बन्धमा वित्तिय शिक्षा लगाएत व्यवसायिक बन्दै जीवनयापनका लागि साक्षरता शिक्षा प्रदान गरिएको हो ।
नेपाल सरकार पशपंछी मन्त्रालय अन्तरगत कृषि क्षेत्र विकास कार्यक्रम अन्तरगत महाबु गाउँपालिकाको सहकार्यमा उक्त वडाका ६ वटा समुहमा आवद्ध १७१ घरका महिलाहरुलाई वित्तिय शिक्षासैगै उनिहरुलाई व्यवसायिक बनाउनका लागि बाख्रा पालन र त्यसका लागि प्रति परिवार बाख्राको खोर निर्माण सहयोग गरिएको छ । उक्त कार्यक्रम अन्तरगत महिलाहरुलाई ३ महिनामा ४० वटा कक्षाहरु सञ्चालन गरिएको छ । उक्त तालिमको आज एक औपचारिक कार्यक्रमको समापन गरिएको छ । तालिम समापनको अवसरमा बोल्दै महाबु गाउँपालिकाका उपाध्यक्ष मञ्जु शर्मा पाण्डेयले महिलाहरुले आफ्नो क्षमता विकास गर्दै आर्थिक रुपमा सवल बनाउनका लागि वित्तिय कक्षा र व्यवसायिक साक्षरता प्रभावकारी भएको बताउदै महिलाहरुलाई भन्दा पुरुषहरुलाई बढि अधिकार प्राप्त भएको प्रति दुःख व्यक्त गर्नुभयो ।

त्यसैगरि महाबु गाउँपालिका वडा नं. ५ का वडाध्यक्ष दिप बहादुर शाहीले वडालाई पुर्णरुपमा पाषणमैत्री बनाउदै पुर्ण सरसफाई लगाएत साक्षरता बनाउनका लागि कार्यक्रम प्रभावकारी भएको बताउनुभयो ।

उक्त वित्तिय साक्षरता शिक्षा तथा व्यवसायिक साक्षरतामा सहभागित विभिन्न समुहका सहभागि महिलाहरुले घरायसी पोषणका विभिन्न परिकारहरुको प्रदर्शनी समेत गरेका थिए ।

दिपेन्द्र कार्की बस्ताकोटी, दैलेख
१९ चैत्र,२०८१

नेपाली लेखक संघको लुम्बिनीमा यही चेत्र १६ र १७ गते नेपाली कांग्रेस पार्टी सभापति शेर बहादुर देउवा र पार्टी प्रवत्ता डा प्रकाश शरण महतले उद्घाटन गरि सम्पन्न भयको आठौं राष्ट्रिय अधिबेसनको केन्द्रीय कार्यसमितिमा दैलेखबाट प्रतिनिधित्व गर्ने डा. लोकेन्द्र बहादुर खड्का सचिव पदमा र कमला के सी सदस्य पदमा दैलेखको प्रतिनिधित्व सुनिश्चित भएको हो राजनितिमा देशभरीबाट दोस्रो पुस्ताको प्रतिनिधित्व हुनु र नेपाल विद्यार्थी संघको काठमाडौं केन्द्रित राजनितिमा प्रभाव जमाएका युवाहरुको प्रतिनिधित्वले समेत दैलेखी युवाको राजनितिक दायरा फराकिलो बन्दै गइरहेको छ ।

दिपेन्द्र कार्की बस्ताकोटी, दैलेख
१९ चैत्र,२०८१

दैलेखको चामुण्डाबिन्द्रासैनी नगरपालिकामा सञ्चालित प्रथम दैलेख जिल्ला अन्तरपालिका स्तरिय “चामुण्डाबिन्द्रासैनी प्रिमियर कप क्रिकेट प्रतियोगिता” सम्पन्न भएको छ । राष्ट्रका लागि खेलकुद ,स्वास्थ्यका लागि खेलकुद भन्ने मुल नारा सहित दैलेखको इतिहासमा भएको उक्त क्रिकेट प्रतियोगितामा जिल्ला भित्रका ८ वटा पालिकाका १० वटा खेल समुहले सहभागिता जनाएका थिए ।
नेपालमा क्रिकेट खेल प्रतिको मोह बढ्दै गइरहेको समयमा पहाडी जिल्लाहरुमा खेलमैदानको अभावमा क्रिकेट खेलाडीहरुले आफ्नो खेल प्रर्दशन गर्न नसकिरहेको अवस्थामा भएको उक्त प्रतियोगिताले क्रिकेट खेलाडीहरुलाई हौसला बढाएको छ । गत चैत्र १५ गते देखी ५ दिन सम्म सञ्चालित उक्त खेलमा सहभागि भई विभिन्न स्थान हासिल गर्ने खेलाडीहरु तथा खेलमा विभिन्न क्षेत्रबाट सहयोग गर्ने व्यक्तीहरुलाई प्रमाणपत्र तथा नगद पुरस्कारद्धारा सम्मान गरिएको छ । खेल समापनको अवसरमा बोल्दै चामुण्डाबिन्द्रासैनी नगरपालिका प्रमुख गणेश कुमार शाहीले हरेक खेलकुद खेलाडीकोे मेरुदण्डको रुपमा रहेको भन्दै सर्वागिण विकासमा समेत महत्वपुर्ण भएको र त्यसले हरेक क्षेत्रमा पहिचान स्थापित गर्नेमा जोड दिनुभयो ।

उक्त “चामुण्डाबिन्द्रासैनी प्रिमियर कप क्रिकेट प्रतियोगितामा ठाटिकाँध गाउँपालिका प्रथम, आयोजक चामुण्डाबिन्द्रासैनी नगरपालिका दोस्रो तथा नारायण नगरपालिकाले तेस्रो स्थान हासिल गरेका छन । चामुण्डाबिन्द्रासैनी स्पोर्ट एकेडेमीको मुख्य आयोजनामा एकेडेमीका अध्यक्ष दशरथ कुमार शाहीको संयोजकत्वमा सम्पन्न भएको छ ।

दिपेन्द्र कार्की बस्ताकोटी, दैलेख
६ चैत्र,२०८१

दैलेखको दुल्लु नगरपालिका वडा नं. ८ मा आज वडाक्षेत्र भित्र सञ्चालित विभिन्न खानेपानी योजनाहरुको सुचारुपनाको सन्दर्भमा वृहत सार्वजनिक कार्यक्रमको आयोजना गरिएको छ । दुल्लु नगरपालिका तथा वडा नं. ८ को सहकार्यमा सोसेक नेपाल अन्तरगत हेल्वेटास नेपालले निर्माण गरि सञ्चालनमा आएका विभिन्न खानेपानीहरुको वर्तमान अवस्था र ति योजनाहरुलाई दीर्घकालिनरुपमा कसरी सञ्चालन गर्न सकिन्छ भन्ने उद्धेश्यका साथ उपभोक्ताहरुका माझ सार्वजनिक सुनुवाई सञ्चालन गरिएको हो ।
सार्वजनिक सुनुवाई कार्यक्रमको अवसरमा यतिबेला वडाभित्रको खानेपानीको आपुर्ति लगाएत व्यवस्थापन र निर्माण गरिएका योजनाहरुको सन्दर्भमा विभिन्न खानेपानी योजना समितिहरुले प्रगति प्रतिवेदन प्रस्तुत गरेका छन भने वडाध्यक्ष शुशिल कुमार भण्डारीले समग्र वडाको खानोपनीको प्रगति प्रतिवेदन प्रस्तुत गर्नुभएको छ । सो क्रममा बोल्दै वडाध्यक्ष भण्डारीले वृहत कर्णाली लिफ्टिंग खानेपानी निर्माण पश्चात मात्र वडाबासीको प्याँस मेटिने भएकाले उक्त योजना छिटो सम्पन्न गर्न लागिपरेको बताउनुभयो ।

उक्त सार्वजनिक कार्यक्रमका मुख्य जवाफदेहि वक्ताको रुपमा बोल्दै दुल्लु नगरपालिका उपप्रमुख बिना कार्कीले नगरपालिकाले समग्र नगरक्षेत्रको खानेपानी समस्या समाधानका लागि खानेपानी बोर्डको व्यवस्थापन भएकाले भएका समस्याहरु बोर्ड मार्फत आउने र आफुहरुले समस्या समाधानमा लागिपर्नेमा जोड दिनुभयो ।

सार्वजनिक सुनुवाई कार्यक्रमको अवसरमा उपभोक्ताहरुले खानेपानीको मुहान, योजना लगाएत विभिन्न क्षेत्रमा भएका समस्याहरुको सन्दर्भमा आवाज उठाएका थिए । यतिबेला दुल्लु नगरपालिका वडा नं. ८ भित्र ६ वटा विभिन्न खानेपानी योजनाहरु सञ्चालित रहेका छन ।

दिपेन्द्र कार्की बस्ताकोटी। दैलेख

दैलेख सदरमुकामबाट पश्चिम आठबिस जादैँ गरेको ००१ ज ०६२१ नम्बरको विद्यूतिय हाईस दिउँसो करिब २ बजे तिर मध्यपहाडी राजमार्ग स्थित दैलेखको भैरवी गाउँपालिकाको रावतकोट २ नं. वडा कार्यालय नजिक दुर्घटनामा परेको छ । मध्यपहाडी लोकमार्गमा उक्त गाडी सडकबाट करिब ५० मिटर तल दुर्घटनामा परेको छ । तिब्र गतिका कारण उक्त विद्युतिय हाइस दुर्घटनामा परेको प्रत्यक्षदर्सी स्थानिबासीले जानकारी दिएका छन । घटना लगतै भैरवी गाउँपालिका उपाध्यक्ष देवी भण्डारी सहित स्थानिबासीले घाइतेहकोे उद्धार गरेर भैरवी गाउँपालिकाकै गाडीमा उनिहरुलाई दैलेख अस्पतालमा पठाइएको छ । घटनामा परेका ५ जना मध्ये ३ जना गम्भिर घाईते भएको प्रहरीले जनाएको छ भने गाडीको अगाडीको भागमा ठुलो क्षति पग्नुका साथै गाडी यतिबेला पनि पुर्णरुपमा बन्द भएको छैन । गाडीको इन्जिन भने चलिरहेको छ ।

दिपेन्द्र कार्की बस्ताकोटी, दैलेख
६ चैत्र,२०८१

दैलेखको दुल्लु नगरपालिका केन्द्र एतिहासिक पटांगिनी क्षेत्रमा निर्माण हुने नेपाल राष्ट्रिय माध्यामिक विद्यालयको वहुउद्धेश्यि भवनको आज एक औपचारिक कार्यक्रमका बिच शिलान्यास गरिएको छ । एतिहासिक दुल्लु राजदरबार क्षेत्र नजिकै सामान्यरुपमा दरबार जस्तै देखिने विद्यालयको वहुउद्धेश्यि भवन भारतिय राजदुतावासको आर्थिक सहयोगमा दुल्लु नगरपालिकाको साझेदारीमा निर्माण हुन लागेको छ ।
वि.सं. २००८ सालमा स्थापना भएको नेपाल राष्ट्रिय माध्यामिक विद्यालयको उक्त भवन निर्माण पश्चात विद्यालयको प्रशासनिक कामकाज देखी, सभाहल, कम्प्युटर कक्षा देखी विभिन्न शैक्षिक गतिविधिहरु प्रभावकारीरुपमा सञ्चालन हुने बताइएको छ । भारतिय राजदुतावासको ४ करोड र दुल्लु नगरपालिकाको १ करोड गरि जम्मा ५ करोडको लगानीमा ३ तले भवन निर्माण हुने बताइएको छ । उक्त भवनको आज भारतिय राजदुतास र दुल्लु नगरपालिकाको संयुक्त सहभागितामा शिलान्यास गरिएको छ ।

भवन शिलान्यास कार्यक्रमको अवसरमा भुमिपुजा लगाएत शुभ कर्मकाण्डका कामहरु समेत गरिएको छ । उक्त भुमि पुजामा कर्णाली प्रदेशका सामाजिक विकास मन्त्रि घनश्याम भण्डारी लगाएत भारतिय राजदुतावासका काउन्सिलर अविनास कुमार सिंह सहित विदालय परिवार सहभागि भएका छन । शिलान्यास कार्यक्रममा बोल्दै मन्त्रि घनश्याम भण्डारीले भारत र नेपालको आर्थिक, सामाजिक लगाएत धार्मिक महत्वको विषयवस्तु समेत जोडिएको कुरा उठान गर्दै भारत सरकारले विभिन्न क्षेत्रमा गरेकोल सहयोगको उच्च प्रशंसा गर्नुभयो ।

सिलान्यास कार्यक्रमको अवसरमा बोल्दै दुल्लु नगरपालिका प्रमुख भरत प्रसाद रिजालले निर्माण हुने भवनको गुणस्तरियताको लागि निर्माणकर्ता मात्र नभएर आम नागरिकको समेत चिन्ता र चासोको विषय हुनुपर्नेमा जोड दिदैँ हरेक विकासनिर्माण समग्र जनताकै लागि भएको बताउनुभयो ।

शिलान्यास कार्यक्रममा सहभागि हुदैँ भारतिय राजदुतावासका काउन्सिलर अविनास कुमार सिंहले भारत र नेपालको आपशि सम्बन्ध विगतदेखी नै प्रगाढ रहेको बताउदै शिलान्यास गरिएको भवन समयमै निर्माण हुने र सबैको हितको लागि काम हुनेमा आशावादी रहेको बताउनुभयो ।

उक्त वहुउद्धेश्यि भवन शिलान्यास कार्यक्रममा दुल्लु क्षेत्रमा प्रचलित पञ्चेबाजा, हुड्के नाच लगाएत विविध साँस्कृतिक कार्यक्रमको समेत प्रस्तुति गरिएको छ । कार्यक्रम नेरा मावि दुल्लु ७ किर्तिखम्ब विद्यालय व्यवस्थापन समिति अध्यक्ष दिनेश कुमार हमालको अध्यक्षतामा सम्पन्न भएको छ ।

दिपेन्द्र कार्की बस्ताकोटी, दैलेख
६ चैत्र,२०८१

दैलेखको दुल्लु नगरपालिकामा वाल न्याय प्रणाली र सामुदायिक भुमिका बारे २ दिने अभिमुखिकरण कार्यशाला सम्पन्न भएको छ । वर्तमान समयमा वालवालिकाहरुले गर्ने अपराध न्युनिकरणका साथै उनिहरुमाथी राज्यस्तरबाट भएको आवश्यक कानुन निति नियमबारे प्रत्यक्ष अभिमुखिकरणका लागि कार्यशाला सञ्चालन गरिएको दुल्लु नगरपालिकाले जनाएको छ ।
यहि चैत्र ८ र ९ गते दुल्लु नगरपालिकाको शभाहलमा सञ्चालित उक्त अभिमुखिकरण कार्यशालामा दुल्लु नगरपालिका भित्रका विभिन्न विद्यालयका वालवालिकाहरु, शिक्षकहरु, युवा तथा वालक्लबका प्रतिनिधिहरु लगाएत सरोकारवालाहरुको सहभागिता रहेको थियो । अभिमुखिकरण कार्यशालामा जिल्ला अदालत दैलेखका न्यायधिस कुल प्रसाद पाण्डेय, दैलेखका प्रमुख जिल्ला अधिकारी नवराज जैसी , प्रहरी प्रमुख प्रहरी नायव उपरिक्षक सुनिल दाहाल लगाएत वालवालिकाको न्याय र कानुनसँग सम्बन्धित व्यक्तीहरुले कार्यक्रमका सहभागिहरुलाई अभिमुखिकरण गर्नुभएको थियो ।
अभिमुखिकरण कार्यशालामा बोल्दै दुल्लु नगरपालिकाका नगरप्रमुख भरत प्रसाद रिजालले वाल न्यायिक प्रणालीलाई सक्षम बनाउदै भोलिका कर्णधार बालवालिकाहरुलाई न्यायिक क्षेत्रमा सवल बनाउदै भोलिका दिनहरुमा हुने हरेक अपराधलाई न्युनिकरण गर्नमा कार्यशाला उपलव्धीमुलक भएको बताउनुभयो ।

दिपेन्द्र काकी बस्तकोटी ,दैलेख
९ चैत्र २०८१

दैलेखको दुल्लु नगरपालिकाले आज एक कार्यक्रमका बिच शैक्षिक संवाद सम्पन्न गरेको छ । सामाजिक विकास मन्त्रालय कर्णाली प्रदेशको सहयोगमा नगरपालिकाले गरेको शैक्षिक संवाद कार्यक्रममा नगरपालिका भित्रका विभिन्न विद्यालयका विद्यार्थी वालवालिकाहरु, युवा तथा वालक्लवका प्रतिनिधिहरु, शिक्षकहरु लगाएत शैक्षिक सरोकारवालाहरुको सहभागिता रहेको थियो । शैक्षिक संवाद कार्यक्रममा नगरप्रमुख भरत प्रसा रिजाल,उपप्रमुख बिना कार्की, शिक्षा अधिकृत विकासजंग शाही, शिक्षिक मनु पौडेल र नेपाल पत्रकार महासंघ दैलेखका अध्यक्ष अमर सुनारले संवादको भुमिका निर्वाह गर्दै सहभागिबाट उठेका विभिन्न् सवालजवाफको सहजिकरण गर्दै वर्तमान समयमा दुल्लु नगरपाािलकाको शिक्षाको अवस्था र भोलिका दिनहरुमा सुधारको लागि गरिएका प्रयासहरुको सन्दर्भमा स्पस्ट पार्नुभएको थियो ।
शैक्षिक संवाद कार्यक्रमलाई काफिया मिडिया सेन्टर सुर्खेतका प्रमुख गणेश कञ्चन भारतीले सहजिकरण गर्नुभएको थियो ।

दिपेन्द्र काकी बस्तकोटी ,दैलेख

कालिकोट जिल्लाको सदरमुकाममा अवस्थित खाँडाचक्र नगरपालिकामा नगरपालिका स्तरिय लैंगिक हिंसा रोकथामका लागि प्रतिकार्य सञ्जालको गठन गरिएको छ । सोसेक नेपालको सहजिकरणमा नगरपालिकामा क्रियासिल विभिन्न सरोकारवालाहरुको सहभागितामा उक्त सञ्जाल गठन गरिएको छ । नगरपालिका स्थित जनप्रतिनिधिहरु सहित महिला तथा वालवालिमाा शाखा प्रमुख लगाएत जिल्ला स्थित प्रहरी, वालवालिका संग सम्बद्ध कानुनी सल्लाहकार लगाएतको सहभागिता हुने गरि नियामानुसार सञ्जाल गठन गरिएको छ ।
सञ्जालको गठन पश्चात महिला तथा वालवालिकाको क्षेत्रमा हुने हिंसा लगाएत विभिन्न हिंसा पिडितहरुलाई आवश्यक कानुनि उपचार लगाएत न्याय प्रदान गर्न सहज हुने सहभागिहरुले जनाएका छन ।