दिपेन्द्र कार्की बस्ताकोटी, दैलेख
मंसिर २७, २०८१
सेवक नेपाल दैलेखले आफ्नो स्थापना दिवसको अवसरमा न्यानो कपडा तथा स्टेसनरी प्रदान गरेको छ । सेवक दैलेखले एक औपचारिक कार्यक्रमका बिच दैलेखको एकमात्र दृष्ट्रिविहिन वालवालिका अध्ययन गर्ने विद्यालय श्री नेपाल राष्ट्रिय माध्यामिक विद्यालय दुल्लु नगरपालिका ७ किर्तिखम्बका दृष्ट्रिविहिन वालवालिकाहरुलाई चिसो समयमा न्यानो कपडा र स्टेसनरी सामाग्री वितरण गरिएको छ ।
२०६३ मंसिर २७ मा स्थापना भएको सेवक नेपालले विभिन्न जिल्लाहरुमा विभिन्न समाजसेवाका कामहरु देखि समाज रुपान्तणका विभिन्न क्रियाकलापहरु गर्दै आइरहेको छ । संस्था स्थापनाको अवसरमा सहाराविहिन र दृष्ट्रिविहिन वालवालिकाहरुको दयनिय अवस्थालाई मध्यनजर गर्दै समाजसेवाको भावनालाई विकास गर्नका लागि यतिबेलाको चिसो समयमा वालवालिकाहरुलाई न्यानो कपडा र स्टेसनरी सामाग्री वितरण गरिएको सेवक दैलेखका प्रमुख महारुप खत्रीको भनाई रहेको थियो ।
दिपेन्द्र कार्की बस्ताकोटी, दैलेख
मंसिर २७, २०८१
नेपाल कृषि प्रधान मुलुक हो तर तर यतिबेला यो नारा सार्थक विहिन अवस्थामा छ । कृषि क्षेत्रमा एकातिर लगानी न्युन छ भने गरिएको लगानीले समेत प्रतिफल दिन सकिरहेको छैन । जसका कारण खाद्यान्न लगाएत विभिन्न कृषि उपजहरु छिमेकी मुलुकबाट आयात गर्नुपर्ने वाद्यता छ । युवाहरु दिनप्रतिदिन विदेस पलायन भइरहेका छन भने जमिन बाँझो छोड्ने क्रम समेत बढिरहेको छ ।
तर यतिबेला दैलेखको दुल्लु नगरपालिकामा सोसेक नेपालको ग्रिन कर्णाली परियोजनाले गाउँ सँगै किसानहरुमा ल्याएको परिवर्तन भने आशा लाग्दो छ । डि सि ए को आर्थिक सहयोगमा सोसेक नेपालले दुल्लु नगरपालिकाको वडा नं. १,२,३,४ र ९ मा ग्रिन कर्णाली परियोजना मार्फत पर्यावरणिय कृषि नमुना गाउँ अभियान सार्थक बनेको छ ।
महिला र युवा लक्षित उक्त कार्यक्रमबाट विगतका दिनहरुमा उजाड लाग्दो बस्तिहरुमा यतिबेला हराबरा तरकारी खेति, फलफुल खेति लगाएत किसानहरुको मेहनेत र प्रतिफलले गाउँ सिँगारिएको छ । रैथानेबाली खेति, बिउ बैँक स्थापना,कृषक पाठशाला ,गडयौला मल लगाएत कार्यक्रमले प्रभावकारी उपलव्धि हाँसिल गरेको छ ।
नगरपालिकाको वडा नं. २ को तरिँया क्षेत्र एक नमुना तरकारी पकेट क्षेत्रका रुपमा स्थापित भएको छ । कर्णाली राजमार्गसँगै रहेको उक्त गाँउमा किसानहरुले आपशि रुपमा मिलेर तरकारी खेति गरेका छन । जहाँको तरकारीले सुर्खेत देखि जुम्ला सम्म बजार पाउने गरेको छ । विगतका दिनहरुमा परम्परागत खेति प्रणालीमा सामान्य गुजारा गर्दै आएका त्यहाँक किसानहरु यतिबेला सोसेक नेपालको ग्रिन कणाली कार्यक्रम सञ्चालनमा आएसँगै हातमा काम र गोजीमा दाम भएको भन्दै खुशी व्यक्त गर्दछन ।
सोसेक नेपालको ग्रिन कर्णाली कार्यक्रमबाट बदलिएका दुल्लु नगरपालिका २ तरिँयाका किसान धना थापा भन्नुहुन्छ “मैले अहिले ८ रोपनीमा तरकारी खेती गरेकी छु, पहिला त सामान्य गहुँ, मकै मात्र लगाउने हो, वर्षभरी खानै पुग्दैन थियो, अहिले त रात दिन यहि बारी मै हुन्छु, खान लाउन देखी बालबच्चा पढाउन र बचत सम्म गरेकी छु , खुशी लाग्छ ।”
तरिँया क्षेत्र मात्र होइन नगरपालिकाको सिँयाला क्षेत्र, बडपोखरा क्षेत्रा, बोड क्षेत्र लगाएत अन्य गाउँहरु पनि नमुना कृषि पर्यावरणिय गाउँको रुपमा विकास भइरेका छन । किसानहरु तरकारि खेति देखि सुन्तला खेति र माहुरी पालनमा समेत रमाइरहेका छन । रासायनिक मलको ठाँउमा गड्यौला मल र जैविक विषादीको प्रयोगबाट ताजा र अर्गानिक तरकारी उत्पादन भएपछि तरकारीको माग समेत बढेको साथै बाहिरबाट समेत तरकारी बाली अवलोकनका लागि मानिसहरु पुग्ने गरेको किसानहरु बताउँछन ।
यता सोसेक नेपालले पनि कार्यक्रम प्रभावकारी रुपमा सञ्चालन भएको र गरिएको उपलव्धि प्रति खुशी व्यक्त गरेको छ । पर्यावरणिय सन्तुलन कायम गर्दै ग्रामिण क्षेत्रका किसानहरुको जीवनस्तर माथी उठाउनका लागि कार्यक्रमले महत्वपुर्ण भुमिका खेलेको प्रति सोसेक नेपालको उच्च प्राथमिकता रहेको छ । ग्रिन कर्णाली कार्यक्रमले दुल्लु नगरपालिकाका किसानहरुको लगानी मेहनेत र परिश्रमले सार्थकता प्राप्त गर्नुका साथै गाउँ नै कृषि पर्यावरणिय नुमना गाउँको रुपमा विकसित भएको भन्दै सोसेक नेपालका कृषि प्राविधिक हिक्मेन्द्र माझीले खुशी व्यक्त गर्नुभयो ।
यसरी कृषि क्षेत्रमा गरिएको लगानीले प्रतिफल नदिएर युवाहरु विदेश पलायन हुदैँ गाउँबस्तिका बारीहरु बाँझो भइरहको समयमा एउटा संस्थाले गरेको लगानीले सार्थकता प्राप्त गर्नु सफलताको विषय हो भने अर्को तर्फ हजारौँ संघ संस्थाहरुले कागजी पानामा गरेको उपलव्धीलाई समेत चुनौति समेत हो ।
दिपेन्द्र कार्की बस्ताकोटी, दैलेख
मंसिर २२, २०८१
दैलेखको पस्चिममा रहेको आठबिस नगरपालिकाले नगरपालिका क्षेत्रमा ६ देखी ५९ महिना सम्मका वालवालिकाहरुका लागि पोषण लेखाजोखा तथा व्यवस्थापन गर्नका लागि अभियान सञ्चालन गर्न लागिरहेको छ । स्वास्थ्य कार्यालय दैलेखको समन्वय र एभरेष्ट क्लब दैलेखको आर्थिक सहयोगमा आठबिस नगरपालिकाले नगरपालिकाको सबै वडाक्षेत्रमा उच्च कुपोषण र न्युन कुपोषणमा रहेका वालवालिकालाई पोषणको क्षेत्रमा ल्याई जिवनरक्षा गर्नका लागि अभियान सञ्चान गर्न लागिरहेको आठबिस नगरपालिकाले जनाएको छ ।
नगरपालिका भित्रका स्वास्थ्य संस्था प्रमुखहरु लगाएत सरोकारवालाहरुलाई गरिएको अभिमुखिकरण कार्यक्रममा बोल्दै आठबिस नगरपालिका प्रमुख तर्क बहादुर बडुवालले समाजमा रहेका कमजोर स्थितिमा रहेका नागरिकहरुलाई पहिलो प्राथमिकतामा राख्नुपर्ने धारणा राख्दै उनिहरुले पाउने सुविधा समाजका ठुलाबडाहरुले पाएको खण्डमा उनिहरुलाई छनौट गर्दा ध्यान दिनुपर्नेमा जोड दिनुभयो ।
अभिमुखीकरण कार्यक्रमको अवसरमा बोल्दै एभरेष्ट क्लब दैलेखका सचिव तथा पोषण अधिकारी कृष्ण केसीले ग्रामिण क्षेत्रमा कुपोषित बालवालिकाहरुको तथ्य नभएको सन्दर्भमा धेरैको ज्यान जानेक्रम रहेकोले त्यसलाई न्युनिकरणका लागि नगरपालिकासँगको सहकार्यमा अभियान नै सञ्चालन गर्नुपरेको बताउनुभयो ।
अभियानलाई आठबिस नगरपालिका स्वास्थ्य शाखाले सहिजकरण गर्नुका साथै नगरपालिका क्षेत्रका हरेक घरघरमा स्वास्थ्यकर्मी सहितको समुहबाट निगरानी बढाईने भएको छ ।
२२ मंसिर २०८१
दैलेखको दुल्लु नगरपालिका ५ मा रहेको श्री सरस्वती वहुमुखी कृषि सहकारी संस्था लिमिटेडको १८औँ वार्षिक साधारण सभा एक औपचारिक कार्यक्रमका बिच सम्पन्न भएको छ । दुल्लु नगरपालिकाको वडांनं.४,५,७ र ८ मा कार्यक्षेत्र रहेको सहकारी २०६४ मा स्थापना भएको र यतिबेला सहकारीमा करिब १७२ जना सेयर सदस्यहरु रहेका छन । कृषि क्षेत्रको विकास संगै किसानहरुको जिवनस्तर माथि उकास्नका लागि स्थापना भएको यस सहकारी संस्थाको आफ्नै भवन लगाएत भौतिक स्रोत साधन रहेका छन ।
आज भएको उक्त साधारण सभाको अवसरमा संस्थाको यतिबेला सम्मको आर्थिक भौतिक देखि आयव्यय प्रतिवेदन संस्थाका व्यवस्थापक हरि रिजालले प्रस्तुत गर्नुभएको थियो । उक्त प्रतिवेदनलाई सर्वसम्मत रुपमा पारित गरिएको छ । उक्त वार्षिक साधारणसभाको अवसरमा बोल्दै प्रमुख अतिथि दुल्लु नगरपालिका सहकारी शाखा प्रमुख रत्न बहादुर खड्काले सहकारीको विगत देखि वर्तमान सम्मको स्थिति सन्तोषजनक भएको भन्दै कृषि क्षेत्रको विकास र किसानहरुका लागि लक्षित यस सहकारीले आर्थिक गतिविधिमा चुस्त दुरुस्त राख्दै प्रवाह गरिएको ऋण असुल तर्फ ध्यान केन्द्रित गर्नुपर्नेमा जोडद दिनुभयो ।
कार्यक्रममा संस्थाका पुर्व सचिव गणेश प्रसाद उपाध्याय लगाएत प्रवुद्ध व्यक्तीत्वहरुले शुभकामना दिनुका साथै स्वागत मन्तव्य भागवत हमालले गर्नुभएको थियो ।
साधारण सभा सहकारीका अध्यक्ष कमल प्रसाद शर्माको अध्यक्षतामा सम्पन्न भएको छ ।
दिपेन्द्र कार्की बस्ताकोटी, दैलेख
मंसिर २१, २०८१
सोसेक नेपालले लैंगिक हिंसा न्युनिकरणका लागि सरोकारवालाहरुसँग अन्तरक्रिया र समन्वयात्मक वैठक सम्पन्न गरेको छ । दैलेखका ११ वटा स्थानिय तहका प्रमुख उपप्रमुख लगाएत प्रमुख प्रशासकिय अधिकृतहरु लगाएत जिल्ला स्थित शुरक्षा निकायका प्रमुखहरुसंग गरिएको अन्तरक्रिया कार्यक्रमले जिल्ला भित्र बढ्दो महिला हिंसा, वालहिंसा लगाएत वालविवाह, वहुविवाह र कुरिति कुप्रथालाई न्युनिकरणका क्षेत्रमा सोसेक नेपालद्धारा गरिएको प्रयास सार्थक बनेको निश्कर्ष निकालिएको छ ।
सोसेक नेपालले यतिबेला महिला तथा बालवालिकाको क्षेत्रमा निःशुल्क टोलफ्रि नम्बर १०९८ सञ्चालन गर्नुका साथै हिंसा पिडित महिला र वालवालिकाहरुको जीवनरक्षाको क्षेत्रमा गरेको प्रयासले विभिन्न जिल्लाहरुमा हिंसा न्युनिकरणका क्षेत्रमा उल्लेख्य उपलव्धि हासिल गरेको छ । आगामी दिनहरुमा यसलाई थप प्रभावकारी बनाउनका लागि सेफ हाउस निर्माण गर्दै हिंसा पिडित महिला र वालवालिकाहरुको उद्धार र राहत गर्दै उनिहरुलाई न्याय दिलाउने र त्यसमा स्थानिय तहले साथ सहयोग गर्नुपर्नेमा जोड दिइएको छ ।
अन्तरक्रिया र समन्वयात्मक वैठकको क्रममा बोल्दै दैलेख जिल्ला समन्वय प्रमुख नमराज शाहीले सोसेक नेपालले हिंसा पिडितका समस्या समाधानका लागि विभिन्न प्रयास र कामहरु गरिरहेको सन्दर्भ उठान गर्दै जिल्लाका सबै स्थानिय तहहरुले साथ सहयोग गर्नुपर्नेमा जोड दिनुभयो ।
समन्वयात्मक वैठकलाई सोसेक नेपाल महिला तथा वालवालिका सेवा केन्द्र (वाल हेल्प लाईन १०९८) संयोजक रमा श्रेष्ठले सहजीकरण गर्नुभएको थियो । कार्यक्रम सहजिकरण पश्चात बोल्दै संयोजक थापाले लैगिंक हिंसा न्युनिकरणका लागि समन्वयात्मक वैठक फलदायि भएको भन्दै सुरक्षा आवास निर्माणको लागि विगत देखि अवधारणा सञ्चालनमा ल्याएको र त्यसको सहयोगका लागि अनुरोध मुख्य रहेको बताउनुभयो ।
कार्यक्रमलाई व्यवस्थापन सोसेक नेपालका प्रभा कुमार विक ले गर्नुभएको थियो ।
दिपेन्द्र कार्की बस्ताकोटी, दैलेख
मंसिर १९, २०८१
दैलेखको दुल्लु नगरपालिका वडा नं. १२ लाई नगरपालिकाकै पहिलो वडाको रुपमा सफा स्वच्छ वडाको रुपमा घोषणा गरिएको छ । दाहाल र लम्सालहरुको आदीभुमीको रुपमा रहेको दुल्लु नगरपालिका १२ विशेष पहिचानको वडा समेत हो । सोसेक नेपाल र हेल्वेटास नेपालको सहयोगमा वडा क्षेत्रका हरेक घरहरुमा सरसफाईका विभिन्न ५ वटा सुचकहरु पुरा गर्दै वडाले आज सफा स्वच्छ वडाको रुपमा पहिचान बनाउन सफल भएको छ ।
वडालाई सफा स्वच्छ वडाको रुपमा घोषणा गर्दै कर्णाली प्रदेश सामाजिक विकास मन्त्री घनश्याम भण्डारीले दुल्लु १२ लाई साँस्कृतिक वडाको रुपमा विकास गर्नका लागि सफा स्वच्छ कार्यक्रमले महत्वपुर्ण भुमिका खेल्ने भन्दै त्यसको लागि विगत देखि विभिन्न क्षेत्रबाट सहयोग गरेको र आगामी दिनहरुमा समेत चुनौतिका साथ काम गर्नुपर्नेमा जोड दिनुभयो ।
विभिन्न साँस्कृति कार्यक्रम सहित सम्पन्न उक्त घोषणा कार्यक्रमको अवसरमा बोल्दै दुल्लु नगरपालिका प्रमुख भरत प्रसाद रिजालले वडालाई यतिबेला सरसफाई वडा उन्मुख वडाको रुपमा कार्यक्रमले प्रभावकारी भुमिका खेलेको भन्दै भोलिका दिनहरुमा पुर्ण सरसफाई वडा बनाउनको लागि नागरिकहरुले आ आफ्नो क्षेत्रबाट सहयोग गर्नुपर्नेमा जोड दिनुभयो ।
वडाको उक्त सफा स्वच्छ कार्यक्रममा प्रतिवद्धता गर्दै वडाध्यक्ष लिलाराम लम्सालले सरसफाईका सबै सुचकहरु पुरा गर्दै आगामी दिनमा पुर्ण सरसफाई र नमुन वडाको रुपमा विकास गर्ने बताउनुभयो ।
वडाको उक्त सफा स्वच्छ वडा घोषणा कार्यक्रमलाई सहयोग गर्ने विभिन्न संघसंस्थाका प्रतिनिधिहरु, कर्मचारीहरु, महिला स्वास्थ्य स्वयंसेविकाहरु लगाएत सरोकारवालाहरुलाई वडाले सम्मान समेत गरेको छ भने कार्यक्रमका सहभागिहरुले सरसफाईको क्षेत्रमा गर्नुपर्ने जिम्मेवारीमा प्रतिवद्धता गर्दै हस्ताक्षर समेत गरिएको छ ।
दिपेन्द्र कार्की बस्ताकोटी, दैलेख
मंसिर १८, २०८१
दैलेखको दुल्लु नगरपालिले ३३औँ अन्तराष्ट्रिय अपांगता दिवसको अवसरमा नगरपालिका भित्रका अपांगता भएका व्यक्तीहरुसँग विशेष अन्तरक्रिया कार्यक्रम गर्दै उनिहरुलाई सम्मान गरेको छ । लैंगिक हिंसा विरुद्धको १६ दिने अभियानसँगै जोडेर “समावेसी तथा दिगो भविश्यको पुर्वाधार,अपांगता भएका व्यक्तीहरुको प्रवल नेतृत्व यसको आधार” भन्ने मुल नारा सहित अपांगता दिवसको अवसरमा नगरपालिका भित्रका अपांगता भएका व्यक्तीहरुसँग अन्तरक्रिया गर्दै उनिहरुका समस्यामाथी छलफल गर्दै जिवन जिउने आधारका सन्दर्भमा समेत छलफल गरिएको छ ।
अन्तरक्रिया कार्यक्रममा अपांगता भएका व्यक्तीहरुले आफुहरु पनि अन्य नागरिकहरु जस्तै भएको र अपांगता भएका व्यक्तीहरुका सन्दर्भमा नगरपालिका र वडा स्तरबाट आयआर्जनका कार्यक्रमहरु तय गरिनुपर्नेमा जोड दिएका छन । अन्तरक्रिया कार्यक्रमको अवसरमा बोल्दै दुल्लु नगरपालिका उपप्रमुख बिना कार्कीले नगरपालिकाले अपांगता भएका व्यक्तीहरुका समस्या समाधानका लागि विभिन्न कार्यक्रम तय गर्दै उनिहरुका मनोभावना बुभ्mनकै लागि भएपनि अन्तरक्रियाको आयोजना गरिएको बताउनुभयो ।
अपांग दिवस तथा अन्तरक्रियाको अवसरमा सहभागि अपांगता भएका व्यक्तीहरुलाई चिसोको समयमा चिसोबाट बच्नका लागि न्यानो उनको टोपी प्रदान गर्दै सम्मान गरिएको छ । उक्त अन्तरक्रिया कार्यक्रमलाई सोेसेक नेपालले सहजीकरण गरेको छ भने एभरेष्ट क्लब दैलेख, आवाज परियोजना लगाएत संघसंस्थाहरुले सहयोग गरेका छन ।
दिपेन्द्र कार्की बस्ताकोटी, दैलेख
मंसिर १८, २०८१
नेपालका लागि संयुक्त राज्य अमेरीकाका राजदुत डिन आर.थम्पसनले दैलेखको गुराँस गाउँपालिकाको भ्रमण गर्नुभएको छ । कर्णाली प्रदेशको प्रवेशद्धारको रुपमा रहेको गुराँस गाउँपालिकामा सञ्चालित यु एस ए आइ डी मार्फत सञ्चालित विभिन्न कार्यक्रमको प्रभावकारीता लगाएत आगामी दिनहरुमा गर्नुपर्ने थप सहकार्य र सहयोगका सम्बन्धमा भ्रमण फलदायि भएको गुराँस गाउँपालिकाले जनाएको छ ।
राजदुत थम्पसनको गुराँस आगमनको अवसरमा गाउँपालिकाले एक वृहत अन्तरक्रिया कार्यक्रमको आयोजना गरेको छ । अन्तरक्रियाको क्रममा गाउँपालिकामा अमेरिकी जनताको सहयोमा सञ्चालित यु एस ए आई डि मार्फत समुदायको समुन्नती र पारिस्थितिक प्रणाली र स्वास्थ्यका लागि प्रकृति संरक्षण कार्यक्रम (जल जमिन) सन्दर्भमा वृहत छलफल गरिएको छ । जस अन्तरगत गुराँस गाउँपालिकाका विभिन्न क्षेत्रमा यतिबेला उक्त कार्यक्रम मार्फत अल्लो प्रशोधन लगाएत अल्लो निकासी र अल्लोका विभिन्न सामाग्रीहरुको उत्पादन विक्रिवितरण गर्दै नागरिकहरुलाई आत्मनिर्भर बनाउनका लागि कार्यक्रमको प्रभावकारीताबारे राजदुत थम्पसनले चासोका साथ अन्तरक्रिया गर्नुभएको छ ।
अन्तरक्रियाको अवसरमा गुराँस गाउँपालिकाका स्थानियहरुले कार्यक्रमले पारेको प्रभावकारीताबारे खुशी व्यक्त गर्दै आगामी दिनहरुमा थप गर्नुपर्ने सहयोगका सन्दर्भमा राजदुत थम्पसनलाई अनुरोध गरेका छन भने राजदुत थम्पसनले त्यसलाई सकारात्मक रुपमा ग्रहण गर्नुभएको छ ।
राजदुत थम्पसनलाई गुराँस गाउँपालिकाका अध्यक्ष टोप बहादुर बिसी लगाएत जनप्रतिनिधिहरु र कर्मचारीहरुले स्वागत गर्नुका साथै गुराँस गाउँपालिकाको विभिन्न सास्कृतिक प्रस्तुतिहरु प्रर्दशन गरिएको थियो । सो अवसरमा बोल्दै गुराँस गाउँपालिका अध्यक्ष टोप बहादुर बिसीले जल जमिन परियोजनाको सन्दर्भमा राजदुतको भ्रमण सकारात्मक भएको भन्दै भोलिका दिनहरुमा समेत थप लगानीको वातावरण बन्नेमा आशावादी भएको बताउनुभयो ।
गुराँस गाउँपालिका भ्रमणको क्रममा राजदुत थम्पसनलाई अध्यक्ष टोप बहादुर बिसीले प्रशंसा पत्र लगाएत मायाको चिनो समेत प्रदान गर्नुभएको छ । गुराँस गाउँपालिकाको न्यानो आतिथ्यता पाएका राजदुत थम्पसनले आफुलाई गर्व महशुस भएको भन्दै धन्यवाद ज्ञापन समेत गरेका छन ।
दिपेन्द्र कार्की बस्ताकोटी दैलेख
१७ मंसिर २०८१
हिजो मंसिर १६ मा सञ्चालित स्थानिय तहको उपनिर्वाचनबाट दैलेखको दुल्लु नगरपालिका वडाद नं. १३ मा नवनिर्वाचित वडाध्यक्ष लाल बहादुर शाहीले आज एक औपचारिक कार्यक्रमका बिच सफत ग्रहण गरेका छन । दुल्लु नगरपालिका वडा नं. १३ को वडाध्यक्षको रुपमा नेकपा एमालेबाट निर्वाचित शाहीलाई दुल्लु नगरपालिकाको शभाहलमा दुल्लु नगरपालिका नगरप्रमुख भरत प्रसाद रिजालले सफत ग्रहण गराउनुभएको हो । सफत ग्रहण कार्यक्रमको अवसरमा बोल्दै दुल्लु नगरपालिका प्रमुख भरत प्रसाद रिजालले यतिबेलासम्म नगरसरकार अपुरो भएको भन्दै समग्र दुल्लु १३ को विकास निर्माण लगाएत जनसरोकारका क्षेत्रमा आगामी दिनहरुमा नवनिर्वाचित वडाध्यक्षल शाहीले सकारात्मक र महत्वपुर्ण भुमिका खेल्ने अपेक्षा गर्दै सहमति र सहकार्यमा आफु सदैव तयार रहेको बताउनुभयो
कार्यक्रममा नगरउपप्रमुख बिना कार्कीले नवनिर्वाति वडाध्यक्ष शाहीलाई वधाई तथा शुभकामना ज्ञापन गर्नुभएको थियो भने नगरपालिकाका कर्मचारीहरुले अविर र माला खादा लगाएर नवनिर्वाचित वडाध्यक्ष शाहीलाई वधाई ज्ञापन गरेका छन ।
सफत ग्रहण संगै वडाध्यक्ष शाही आजदेखि विधिवत रुपमा वडाध्यक्षको भुमिकामा रहनुभएको छ । उहाँले भोलिमात्र वडाको जिम्मेवारी वहन गर्ने बताउनुभएको छ ।
