दिपेन्द्र कार्की बस्ताकोटी, दैलेख
३ असोज,२०८२

दैलेखको गुराँस गाउँपालिकाले संविधान दिवस मनाएको छ । वि.संं २०७२ असोज ३ मा नेपालको संविधान जारी भएको दिनलाई सम्झना स्वरुप देशभर विभिन्न कार्यक्रम सहित संविधान दिवस मनाउने गरिएको छ । तर यतिबेला देश अस्थिर भइरहेको बेला छिटफुटरुपमा मात्र दिवस मनाइएका छन । केहि दिन अघि गत भाद्र २३ गते युवा पुस्ताको आन्दोलनसँगै देशमा अन्तरिम सरकार भइ अन्यौलको वातावरण भइरहेको बेला दैलेखमा सामान्य कार्यक्रम बाहेक दिवसमा हर्ष उल्लासको वातावरण छैन ।
गुराँस गाउँपालिकाले भने यतिबेलाको समय संग सान्दर्भिक संविधान दिवस विविध कार्यक्रम सहित गाउँपालिकाको कार्यालय रानिमत्ता गुराँसेमा सम्पन्न गरेको छ । गाउँपालिकाले संविधान दिवसको अवसर पारेर कार्यालय परिसर सरसफाई, संविधानको रक्षा वालवालिकाको सुरक्षा विषयक अन्तर माध्यामिक पालिका स्तरिय वक्तृत्वकला प्रतियोगिता लगाएत युवा पुष्ता र सरोकारवालाहरुसँग अन्तरक्रिया कार्यक्रमको समेत आयोजना गरेको छ ।
सरसफाई कार्यक्रममा गाउँपालिकाका कर्मचारी र जनप्रतिनिधिहरुको सहभागिता रहेको थियो भने वक्तृत्वकलामा गाउँपालिका भित्रका विभिन्न विद्यालयका १५ जना वालवालिकाहरुको सहभागिता रहेको थियो । प्रतियोगितामा सहभागि वालवालिकाहरुले यतिबेलाको परिस्थितिमा वर्तमान संविधानको रक्षा गरेको खण्डमा मात्र भोलिका सक्षम नागरिक आजका वालवालिकाको सुरक्षा हुनेमा जोड दिएका छन ।

त्यसैगरि गाउँपालिकाले गाउँपालिका भित्रका सरोकारवाला राजनैतिक दलका प्रमुख प्रतिनिधिहरु लगाएत जनप्रतिनिधिहरु र युवा पुष्तासंग समयसापेक्ष अन्तरक्रिया समेत गरेको छ । सो अवसरमा सहभागि युवा पुष्ताले यतिबेलाको राजनैतिक दलका प्रमुखहरुनै वर्तमान अवस्थाको सर्जक भएको आरोप लगाएका छन । उनिहरुले गाउँपालिकाले आगामी दिनहरुमा गर्नुपर्ने विभिन्न कार्यहरुको सुचि सहित ज्ञापन पत्र पेस गरेका छन ।

कार्यक्रमको अवसरमा बोल्दै गुराँस गाउँपालिका अध्यक्ष टोप बहादुर बिसीले यतिबेलाको जल्दोबल्दो समस्यालाई लिएर युवा पुष्ता र वालवालिकालाई कसरी सकारात्मक सोचमा बदल्न सकिन्छ भन्ने मान्यताका साथ विभिन्न कार्यक्रम गर्दै संविधान दिवस मनाइएको जानकारी दिनुभयो ।

दिपेन्द्र कार्की बस्ताकोटी, दैलेख
११ भाद्र, २०८२
महिला ,बालवालिका तथा लोपउन्मुख पिछडिएका समुदायको क्षेत्रमा काम गर्दै आएको सोसेक नेपालले आफ्नो २८औँ वार्षिकोत्सव,साधारण सभा तथा अधिवेसन आज दैलेखमा सम्पन्न भएको छ । सिमान्तकृत आदिबासी कुुसुन्डा लगाएत लोपउन्मुख राउटे समुदायको जिवनस्तरमा सुधार ल्याउनको लागि विभिन्न जनचेतनामुलक कार्यक्रम सहित समाजमा विद्यमान कुरिति कुसँस्कार लगाएत पछिल्लो समय सोसेक नेपालले विकासनिर्माणका क्षेत्रमा समेत काम गर्दै आइरहेको छ । कर्णाली प्रदेश लगाएत अन्य विभिन्न १० जिल्लाहरुमा करिब ३३ वटा परियोजना मार्फत शिक्षा, स्वास्थ्य, खानेपानी लगाएत जनचेतना र सामाजिक उत्तरदायित्वको क्षेत्रमा विगत स्थापनाकाल देखि समाजसेवाको काम गर्दै आएको सोसेक नेपालले यतिबेला आफ्नो २८औँ वार्षिकोत्सव,साधारण सभा तथा अधिवेसन सम्पन्न गरेको हो ।
जिल्ला समन्वय समितिको हल दैलेखमा आयोजित उक्त कार्यक्रमको समुद्धघाटन कार्यक्रममा सोसेक नेपालका कार्यसमिति पदाधिकारीहरु, साधारण सदस्यहरु, सोसेक नेपालका कर्मचारीहरु ,जिल्ला स्थित विभिन्न राजनैतिक दलका प्रमुख प्रतिनिधिहरु लगाएत जनप्रतिनिधिहरुको सहभागिता रहेको थियो ।
सोसेक नेपालकोे २८औँ वार्षिकोत्सव,साधारण सभा तथा अधिवेसनलाई उद्धघाटन गर्दै दैलेख बाट प्रतिनिधिसभा सदस्य एवं शिक्षा विकास समितिका सभापति अम्मर बहादुर थापाले कागजका पानामा ठुला सपना देखाएर देश विकास नहुने भन्दै व्यवहारिक परिवर्तन आजको आवश्यकता भएको बताउनुभयो । कार्यक्रमलाई शुभकामना मन्तव्य राख्दै सभापति थापाले देशका नागरिकहरु गरिबिको रेखामुनी भएकाले देशविकासमा विभिन्न संघसंस्थाहरुले चुनौतिका साथ काम गर्नुपर्नेमा जोड दिदैँ सोसेक नेपालले समयसापेक्ष काम गरेको प्रति खुशी व्यक्त गर्नुभयो ।

सोसेक नेपालको २८औँ वार्षिकोत्सव,साधारण सभा तथा अधिवेसनको क्रममा बोल्दै सोसेक नेपालका अध्यक्ष मञ्जु थापाले सोसेक नेपालले महिला र बाललालिकालाई मुख्य प्राथमिकतामा राखेर काम गरिरहेको सन्दर्भ उठान गर्दै आगामी दिनमा थप बलियो बनाउनका लागि गुरुयोजना बनाएर अघि बढिरहेको बताउनुभयो ।

कार्यक्रमको अबसरमा बोल्दै सोसेक नेपालका कार्यकारी निर्देशक हिरासिंह थापाले सोसेक नेपाल आवाज विहिनहरुको आवाजको रुपमा काम गर्दै आइरहेको बताउदै शुसासन र पारदर्शिताबाट काम गर्दै निति नियमका साथ अगाडी बढ्ने बताउनुभयो ।

सोसेक नेपालको २८औँ वार्षिकोत्सव,साधारण सभामा उत्कृष्ट काम गर्ने कर्मचारीहरुलाई सम्मान समेत गरिएको छ भने अधिवेसनबाट पुनः मञ्जु खड्काको अध्यक्षतामा नयाँ कार्यसमिति समेत चयन गरिएको छ ।

दिपेन्द्र कार्की बस्ताकोटी, दैलेख
१० भाद्र,२०८२
हिन्दु नेपाली महिलाहरुको विशेष पर्वको रुपमा रहेको हरितालिका तिज एक महत्वपुर्ण पर्व हो । सत्ययुगमा पार्वतीले शिव स्वामी पाँउ भनि ब्रत बसेको र पछि ब्रतसिद्ध हुदैँ शिवलाई पतिको रुपमा पाएको किंवदन्तीमा आधारित तिज पर्वको आफ्नै विशेषता र महत्व रहेको छ । तिजका दिन महिलाहरु बिहानै देखी निराहार ब्रत बसी नजिकका शिव मन्दिरहरुमा पुजाआराधाना गर्दै आफ्ना पतिको दीर्घजीवनको कामना गर्ने तिज संस्कृतिको विशेषता र पहिचान हो ।
तर यतिबेला तिज सँस्कृति पनि विकृतिका रुपमा अघि बढेको छ । तिजको अवसरमा गाउँमा पाइने विभिन्न अर्गानिक खाद्यबस्तुहरु र फलफुललाई दरको रुपमा खानुका साथै आफन्तजनसँग रमाईलो गर्ने प्रचलन यतिबेला लोप भएको छ । तिजको अघिल्लो साँझ मात्र खाइने दर एक महिना अघिदेखी महंगो र खर्चिलो खानपानका साथै मदिरा समेत खाएर रमझम गर्ने प्रवित्ति एकातिर बढेको छ भने अर्कोतिर अरुको देखासिकि गर्दै तिजको महत्व समेत अस्थिर हुदैँ गइरहेको छ । जसलाई तराँई र शहरी क्षेत्रमा व्याप्त विकृति विसंगती पहाडी क्षेत्रमा समेत बनमारा जस्तै फैलिइरहेको छ।
दैलेखमा पनि हरितालिका तिजको अवसरमा विभिन्न शत्तिपिठहरु र शिव मन्दिरहरुमा मेला लागेको छ । विशेष गरि दैलेखको पञ्चकोशी क्षेत्रका विभिन्न मठमन्दिरहरुका साथै दुल्लुमा रहेको सिद्धस्थली मन्दिरमा तिजको ब्रत बसेका श्रद्धालु महिलाहरुको पुजाआजाको लागि भिँड लागेको छ । तर ति स्थानहरुमा समेत विगतको भन्दा भिन्न दृष्यहरु देखिएका छन । महिलाहरु पुजाआजा भन्दा टिकटक र फेसबुकका रिलहरु बनाउनमै मस्त देखिएका मात्र छैनन् विगतका दिनहरुमा परम्परागत मादलको तालमा गाउँदै रमाउँदै गर्ने उनिहरु मन्दिर परिसरमै डेगमा तिजका गित बजाएर नाच्न र रमाउन थालेका छन । जसप्रति केहि महिलाहरु र जानकार व्यक्तीहरुले चिन्ता व्यक्त गरेका छन ।

यसरी विगतको भन्दा यो वर्ष तिज पर्व सामान्य तया देखासिकि र मनोरञ्जनमा परिणत भएको छ । मौलिक रितिरिवाज र सनातन धर्ममा आधारित तिज पर्व समेत सँस्कृतिबाट बिकृति तर्फ उन्मुख हुनु आफैमा दुःखको कुरा हो ।

दिपेन्द्र कार्की बस्ताकोटी, दैलेख
२४ श्रावण,२०८२
बडिमालिका देवीको माहिली बहिनीको रुपमा विशेष लिइने थामाचौघेरा तोलिपाटाकी माई मन्दिर दैलेखकै अग्लो स्थान महाबु पछिको दोस्रो अग्लो स्थानमा आठबिस नगरपालिका तथा ठाटिकाँध गाउँपालिकाको संगमस्थल ठाटिकाँध गाउँपालिका ५ को तोलिपाटाको लेखमा अवस्थित छ । शुन्दर शान्त तथा रमणिय लेकमा अवस्थित यो धार्मिक क्षेत्र एक अलौकिक धामको रुपमा समेत जनविस्वासमा रहेको छ । दैलेखमा रहेका चामुण्डा माई, बिन्द्रासैनी माई, मालिका माई, छडाथान धौलापडा माई, भैरवी माई लगाएत विभिन्न माई देवीहरु भन्दा शक्तिशाली देवीको रुपमा अवस्थित तोलिपाटाकी माई मन्दिर क्षेत्रमा समेत श्रावण शुक्लपुर्णिमा अथवा जनैपुर्णिमाको त्रियोदशीको राति देखी चतुर्थिका दिनमा विषेश पुजाआजा र मेला लाग्ने गर्दछ ।
बडिमालिका देवीको माहिलो बहिनीको रुपमा बढिडमालिका जान नसक्ने भक्तजनहरुले थामाचौघेरा तोलिपापाटाकी देविको पुजाआजा र दर्शन गरेमा सम्पुर्ण मनोकामना पुरा हुने उद्धेश्यका साथ दैलेखका विभिन्न क्षेत्रका साथै छिमेकी जिल्लाका भक्तजनहरु उक्त क्षेत्रमा पुग्ने गर्दछन ।

त्यसो त अन्य देवी पिठ हरु जस्तै यस थामाचौघेरा तोलिपाटाकी माई देविको लागि पुग्ने भक्तजनहरुले समेत आफ्नो मनोकामना पुरा भएको बताउने गरेका छन । दैलेख लगाएत छिमेकी जिल्लाबाट देवी दर्शनका लागि पुग्ने भक्तजनहरुले निशन्तानको लागि सन्तान , अन्नपात, धनजन लगाएत निरोगिताको लागि बरदान माग्ने र आफुले मनले चिताएको पुगेको भन्दै खुशी व्यक्त गरेका छन ।

ठुलो कुरा त के छ भने अथाह शक्ति र विश्वासको रुपमा रहेको उक्त देविधामको मन्दिरको समेत निर्माण पुरा हुन सकिरहेको छैन । परापुर्व कालमा सामान्य ढुंगाको पर्खाल भित्र पुजाआजा हुने गरेको भएपनि यस अघि मन्दिर निर्माणको लागि गरिएको सिमित लगानीले मन्दिर पुरा निर्माण हुन सकिरहेको छैन । निर्माणाधिन मन्दिर भित्रै पुजाआजा गर्ने काम गरिएको छ । भने देविधामको समग्र विकासमा भने यतिबेला सम्म कसैको ध्यान र चासो गएको छैन । दशौँ हजार भक्तजनहरुले पुजाआजा गर्ने उक्त क्षेत्रमा सामान्य २ वटा धर्मशालाको निर्माण भएपनि त्यसले आवश्यकता पुरा गर्न सकिरहेको छैन । अर्कोतर्फ त्यस क्षेत्रमा पिउने पानी र शरिर शुद्ध गर्ने पानी लगाएत शौचालय लगाएत घाम र पानीमा ओत लाग्ने प्रतिक्षालय र ठुलो धर्मशालाको समेत अभाव छ । जसका लागि मन्दिर क्षेत्रमा पुग्ने भक्तजनहरुका लागि देवी मन्दिर लगाएत अन्य संरचनाको अभावलाई पुर्णता दिनको लागि यतिबेलाको स्थानिय तह देखी मन्दिर व्यवस्थापन समितिले काम गरिरहेको र निकट दिनहरुमा पुराहुने आशा गर्न सकिन्छ ।

केहि देविधाम र देवधामहरुमा बलि चढ्ने गरेको भएपनि शुद्ध फलफुल र दुध मात्र चढाईने यस थामाचौघेरा माई मन्दिर धाममा ठुलो उपस्थितिमा भक्तजनहरुले पुजाआजा गर्ने प्रचलन दिनप्रतिदिन बढि रहेको मात्र छैन देवीमाँको शक्ति र विश्वास समे बढ्दै गईरहेको छ । बडिमालिका दे्वि लगाएत अन्य शक्ति पिठहरु जस्तै यस क्षेत्रको विकासमा समेत जनप्रतिनिधिहरु र राज्यको ध्यान जानु अति आवश्यक छ ।

दिपेन्द्र कार्की बस्ताकोटी, दैलेख
२० श्रावण,२०८२

वर्षेमेला तथा श्रीकृष्ण जन्माष्टमीको अवसरमा वर्षौदेखी मनाईदै दैलेखमा प्रचलित लाखे नाच यतिबेला कर्णाली प्रदेशको राजधानी बिरेन्द्रनगर सुर्खेतमा प्रर्दशन गरिएको छ । नेवारी समुदायको एक भिन्न प्रस्तुतिको रुपमा रहेको साथै विभिन्न मुखाकृतिहरुमा हास्यव्यंग्य सहितको सँस्कृति लाखे नाच दैलेख सदरमुकाम लगाएत जिल्लाका विभिन्न क्षेत्रहरुमा वर्षौदेखी सञ्चालित रहेका छन । जसमा दैलेख सदरमुकाम स्थित नेवारी समुदायबाट सञ्चालित उक्त नाच यतिबेला सदरमुकाममा विभिन्न क्लब र समुहबाट सञ्चालित छ ।
दैलेख सदरमुकाममा यतिबेला न्यु ज्वाला क्लव, भगवति युवा क्लब र एभरेष्ट क्लबबाट विभिन्न स्थानहरुमा सञ्चालन गर्दै संयुक्त रुपमा मनाउने गरिएको लाखेनाचलाई कर्णाली प्रदेशको राजधानी बिरेन्द्रनगर सुर्खेतमा प्रर्दशन गरिएको छ। दैलेख सदरमुकाममा सिमित उक्त नाचलाई दैलेखी सेवा समाज सुर्खेतद्धारा समन्वय गर्दै सुर्खेतमा प्रदर्शशन गरिएपछि त्यसको रौनकता झन थपिएको छ । विभिन्न १० जिल्लाका नागरिकहरुले उक्त नाचलाई अवलोकन गरेका छन भने वर्षे मेलाको रुपमा रहेको नाचलाई उत्कृष्ट तरिकाले सुर्खेतका विभिन्न स्थानहरुमा प्रर्दशन गरिएपछि आम नागरिकहरुले खुशी व्यक्त गरेका छन ।
श्रावण १९ र २० गतेका लागि तय गरिएको लाखे नाचको कार्यक्रम अनुसार कालिन्चोक कृष्ण मन्दिरबाट सुरु गर्दै बिरेन्द्रनगर नगरपालिका , घण्टाघर, लाटिकोइली, मंगलगढी लगाएत बजार क्षेत्रमा समेत उल्लासमयरुपमा प्रस्तुत गरिएको छ । दैलेखमा प्रचलित लाखेनाचले एक मौलिकता स्थापित गर्दै आएको सन्दर्भ उठान गर्दै लाखे नाचका संयोजक तिर्थनारायण श्रेष्ठले करिब १ महिना सम्म विभिन्न कार्यक्रम सहित विभिन्न प्रस्तुति सहित आगामी श्रीकृष्ण जन्माष्टमीको भोलिपल्ट समापन हुने गरेको भन्दै सिंगो कर्णालीको संस्कृतिको रुपमा रहेको बताउनुभयो ।

त्यसै गरि दैलेखको लाखे नाचलाई सुर्खेतमा प्रर्दशन गरिएको सन्दर्भबारे बोल्दै न्यु ज्वाला क्लब दैलेखका अध्यक्ष विशाल सुनारले विगत लामो समयदेखी दैलेखमा एक सस्कृतिको रुपमा प्रचलित लाखेनाचलाई थप विस्तार गर्दै समग्र कर्णालीका अन्य जिल्लाहरुमा समेत बिस्तार गर्न र यसको महिमालाई बढाउनको लागि सुर्खेतमा प्रर्दशन गरिएको बताउनुभयो ।

दिपेन्द्र कार्की बस्ताकोटी दैलेख
श्रावण १३,२०८२
महिला शसक्तिकरण मञ्च दैलेखले आज दुल्लुमा निति संवाद कार्यक्रम सम्पन्न गरेको छ । दुल्लु नगरपालिकामा न्यायिक सम्पादनको क्षेत्रमा अधिकारबाट बञ्चित नागरिकहरुलाई राहत र सहयोग पुग्ने उद्धेश्यका साथ उक्त संवाद कार्यक्रम सम्पन्न भएको दुल्लु नगरपालिका वडा नं. ८ का वडाध्यक्ष शुशिल कुमार भण्डारीले जानकारी दिनुभयो ।
कार्यक्रमको सन्दर्भमा बोल्दै महिला तथा सिमान्तकृत वर्ग पहुँच अभिवृद्धि परियोजना कर्णाली प्रदेस कानुनि सल्लाहकार अधिवक्ता विष्णु विकले दुल्लु नगरपालिकामा सरोकारवालाहरुलाई कानुनि विषयमा जानकारी गराउदै , कस्ता कानुन निमाण गरेको भन्ने सन्दर्भमाा भोलिका दिनहरुमा न्यायीक समितिलाई सफल बनाउनका लागि युएन डिपी एटुजे परियोजना लगाएत, महिला शसक्तीकरण परियोजना, मुख्य मन्त्रि कार्यालाय र सामाजिक विकास कार्यालयसंग सहकार्य गर्दै गरिएको कार्यक्रम प्रभावकारी भएको बताउनुभयो ।
उक्त कार्यक्रमको अवसरमा दुल्लु नगरपालिका न्यायिक समितिलाई न्यायीक सम्पादनमा सहयोग पुग्ने ठुलो टिभी लगाएत विभिन्न सामाग्रीहरु समेत प्रदान गरिएको छ ।

दिपेन्द्र कार्की बस्ताकोटी, दैलेख
१० श्रावण,२०८२

दैलेखको डुंगेश्वर गाउँपालिकाले गाउँपालिका क्षेत्रमा सञ्चालित विभिन्न खानेपानी तथा सरसफाई योजनाहरुको व्यवस्थापन र दीर्घकालिन सञ्चालनको लागि एक दिने व्यवस्थापन कार्यशाला गोष्ठि संगै सुचारुपना संवाद सम्पन्न गरेको छ । “दिगोपनाका लागि साझेदारी, खानेपानी योजनाको सुचारुपना हाम्रो जिम्मेवारी” भन्ने मुल नारा तय गर्दै खानेपानी तथा सरसफाई योजनाका सरोकारवालाहरुको जवाफदेहिताको लागी उक्त व्यवस्थापन कार्यशाला तथा सुचारपना संवाद कार्यक्रम सञ्चालन गरिएको हो ।
डुंगेश्वर गाउँपालिका ६ वटै वडाभित्रका विभिन्न ८७ वटा खानेपानी योजनाका सञ्चालक प्रतिनिधिहरु सहित उपभोक्ता समितिका पदाधिकारीहरु ,वडाका जनप्रतिनिधिहरु र खानेपानी योजनाका सरोकारवालाहरुको सहभागितामा उक्त कार्यक्रम सम्पन्न भएको हो ।
सोसेक नेपालको सहजिकरणमा हेल्भेटास नेपालको आर्थिक र प्राविधिक सहयोगमा डुंगेश्वर गाउँपालिकाले सञ्चालन गरेको उक्त कार्यशाला गोष्ठि र सुचारुपना संवादले समग्र गाउँपालिकाको खानेपानी गुरुयोजना तथा रणनिति निर्माणमा समेत सहयोग पुगेको छ ।

गोष्ठिमा गाउँपालिकाको ६ वटै वडाक्षेत्रका विभिन्न खानेपानी योजनाको वर्तमान अवस्था र समस्या चुनौतिहरुको सन्दर्भमा वडागतरुपमा प्रतिवेदन समेत प्रस्तुत गरिएको छ । खानेपानी सुचारुपना संवादमा गाउँपालिका अध्यक्ष शुन्दर कुमार केशी, उपाध्यक्ष कलावती न्यौपाने, प्रमुख प्रशासकिय अधिकृत ललित कुमार थापा, वडा नं. ५ का वडाध्यक्ष पर्वलाल शर्मा लगाएत सहभागि भएका थिए ।

कार्यक्रम समापनको अवसरमा बोल्दै डुंगेश्वर गाउँपालिा अध्यक्ष शुन्दर कुमार केसीले गाउँपालिका क्षेत्रमा विगत देखी नै खानेपानी समस्या रहेको सन्दर्भ उठान गर्दै यतिबेला नेपाल सरकारको लक्ष्य काम गरिरहेको र गाउँपालिका भित्र एक घर एक धारा अभियानका साथ नागरिकहरुले शुद्ध पिउने पानी पाउने अधिकार निर्धारणमा लागि परेको बताउनुभयो ।

यतिबेला डुंगेश्वर गाउँपालिकाले खानेपानी योजनाभित्रका विविध समस्या समाधानकालागी खानेपानी व्यवस्थापन बोर्ड स्थापनाको तयारी गरिरहेको छ भने यस अघि नै खानेपानी ऐन समेत पारित गरिसकेको छ । साथै गाउँपालिकामा हेल्वेपटास नेपालको प्राविधिक सहयोगमा सोसेक नेपाल मार्फत हेल्लो धारा परियोजना सञ्चालन हुन लागेको छ भने खानेपानी तथा सरसफाई योजनाहरुको दीर्घकालिन सञ्चालनको लागि गरिएको उक्त सुचारुपना संवादको अबसरमा नियमित खानेपानी सञ्चालन गर्ने उत्कृष्ट योजनाहरुलाई सम्मान र पुरस्कार प्रदान गर्ने प्रतिवद्धता सहित डुंगेश्वर गाउँपालिका खानेपानी घोषणापत्र समेत जारी गरिएको छ ।

दिपेन्द्र कार्की बस्ताकोटी, दैलेख
५ श्रावण,२०८२

महिला ,बालवालिका तथा लोपउन्मुख पिछडिएका समुदायको क्षेत्रमा काम गर्दै आएको सोसेक नेपालले आफ्नो वार्षिक समिक्षाका साथै सम्पुर्ण कर्मचारीहरुका लागि क्षमता विकास तालिमका साथै आगामी आर्थिक वर्षका लागि रणनैतिक योजना तर्जुमा गोष्ठि सम्पन्न गरेकोे छ । गत श्रावण ३ गते देखी ५ गते सम्म सञ्चालित उक्त गोष्ठिमा सोसेक नेपालको कार्यसमिति पदाधिकारीहरु लगाएत करिब ३०० जना कर्मचारीहरुको सहभागिता रहेको थियो ।
नेपालका लोपउन्मुख राउटे, कुशुण्डा लगाएत सिमान्तकृत समुदायको जिवनस्तरमा सुधार ल्याउनको लागि विभिन्न जनचेतनामुलक कार्यक्रम सहित समाजमा विद्यमान छुवाछुत, छाउपडी, जातिय विभेद , महिनावारी, वालविवाह, वहुविवाह जस्ता कुरिति कुसँस्कार लगाएत पछिल्लो समय सोसेक नेपालले विकासनिर्माणका क्षेत्रमा समेत काम गर्दै आइरहेको छ । विभिन्न १० जिल्लाहरुमा करिब ३३ वटा भन्दा बढि परियोजना मार्फत शिक्षा, स्वास्थ्य, खानेपानी लगाएत जनचेतना र सामाजिक उत्तरदायित्वको क्षेत्रमा विगत स्थापनाकाल देखि समाजसेवाको काम गर्दै आएको सोसेक नेपालले आर्थिक वर्ष २०८१÷८२ मा गरिएका उपलव्धीहरुको सन्दर्भमा समिक्षा लगाएत आगामी आर्थिक वर्ष २०८२÷८३ को लागि आवश्यक निति कार्यक्रमको सन्दर्भमा रणनैतिक योजना तर्जुमा समेत सम्पन्न गरेको छ ।

उक्त ३ दिने गोष्ठिको अवसरमा सोसेक नेपालद्धारा विभिन्न जिल्लाहरुमा सञ्चालित विभिन्न परियोजनाले सञ्चालन गरेका विविध गतिविधिहरुको प्रर्दशन सहित प्रगति प्रतिवेदनको समुह प्रस्तुतिकरण समेत गरेका छन । कार्यक्रम सम्पन्न पश्चात बोल्दै सोसेक नेपालका कार्यकारी निर्देशक एवं संस्थापक अध्यक्ष हिरासिंह थापाले गोष्ठिको अवसरमा सम्पन्न कार्यक्रमको सन्दर्भमा व्यापक समिक्षा भएको र भोलिका दिनहरुमा थप शसक्त भएर थप जिल्लाहरुमा थप कार्यक्रम लैजाने तयारी गर्दै आवाज विहिनको पक्षमा काम गर्ने योजनाका साथ अघि बढेको जानकारी गराउनुभयो ।

दिपेन्द्र कार्की बस्ताकोटी, दैलेख
२ श्रावण,२०८२

महिला ,बालवालिका तथा लोपउन्मुख पिछडिएका समुदायको क्षेत्रमा काम गर्दै आएको सोसेक नेपालले आफ्नो १८औँ लैंगिक तथा सामाजिक परिक्षण सम्पन्न गरेकोे छ । राउट, कुुसुन्डा लगाएत लोपउन्मुख राउटे समुदायको जिवनस्तरमा सुधार ल्याउनको लागि विभिन्न जनचेतनामुलक कार्यक्रम सहित समाजमा विद्यमान कुरिति कुसँस्कार लगाएत पछिल्लो समय सोसेक नेपालले विकासनिर्माणका क्षेत्रमा समेत काम गर्दै आइरहेको छ । विभिन्न १० जिल्लाहरुमा करिब ३३ वटा परियोजना मार्फत शिक्षा, स्वास्थ्य, खानेपानी लगाएत जनचेतना र सामाजिक उत्तरदायित्वको क्षेत्रमा विगत स्थापनाकाल देखि समाजसेवाको काम गर्दै आएको सोसेक नेपालले यतिबेला आफ्नो १८औँ संस्थागत लैंगिक तथा सामाजिक परिक्षण सम्पन्न गरेको छ ।
दैलेखमा मुख्य कार्यालय रहेको सोसेक नेपालले यतिबेला मुख्यतया महिला र बालवालिका लगाएत लोपउन्मुख समुदायको क्षेत्रमा काम गर्दै आइरहेको छ । सोसेक नेपालले दैलेख सदरमुकाममा वार्षिकरुपमा गरिएको उक्त सामाजिक परिक्षणको क्रममा वार्षिक कार्य प्रगतिका साथै आफ्नो लक्ष्य उद्धेश्य र भावि रणनितिका सन्दर्भमा समेत योजना प्रस्तुत गरेको छ जिल्ला स्थित विभिन्न स्थानिय तहका प्रमुख प्रतिनिधि, कार्यालयका प्रमुखहरु, विभिन्न संघसंस्थाका प्रमुखहरु , शुरक्षा निकाय लगाएत सरोकारवालाहरु र संस्थाका पदाधिकारीहरुसँग वृहत छलफलका साथ सामाजिक परिक्षण गरेको हो । कार्यक्रममा सहभागिहरुले सोसेक नेपालको काम र क्रियाकलापको खुलेरै प्रशंसा गरेका छन भने आगामी दिनमा गर्नुपर्ने काम र कर्तव्य प्रति सल्लाह सुझाव र प्रतिक्रिया दिएका छन । 
कार्यक्रमका प्रमुख अतिथि जिल्ला समन्वय प्रमुख नमराज शाहीले हरेक संघसंस्थाहरुले कागजमा मात्र नारा तय गरेर नहुने भन्दै सोसेक नेपाल जस्तै ग्रामिणक्षेत्रमा आवश्यक रोग भोग गरिबि र अशिक्षाका साथै कुरिति कुसँस्कारका विरुद्ध कामगर्नुपर्नेमा जोड दिदैँ मुखले भनेर मात्र केहि नहुने र त्यसका लागि व्यवहारिक रुपमा समेत पारदर्शिताको आवश्यकता रहेको बताउनुभयो ।

उक्त लैंगिक तथा सामाजिक परिक्षणको क्रममा बोल्दै सोसेक नेपालका कार्यकारी निर्देशक हिरासिंह थापाले सोसेक नेपालले गरेका विविध गतिविधिहरुको सन्दर्भमा शुसासन र पारदर्शिताको क्षेत्रमा सबैलाई जानकारी गराउदै जानकारीका साथ सामाजिक उत्तरदायित्व वोध गर्ने गरेको र सोहि अनुरुप कार्यक्रम सम्पन्न गरिएको प्रति खुशी व्यक्त गर्नुभयो ।

दिपेन्द्र कार्की बस्ताकोटी, दैलेख
२ श्रावण,२०८२

जिल्ला प्रहरी कार्यालय दैलेखले आज एक पत्रकार सम्मेलन मार्फत आफ्नो वार्षिक कार्य प्रगति सम्बन्धि प्रतिवेदन र कार्य विवरण सार्वजनिक गरेको छ । जिल्ला स्थित क्रियासिल पत्रकारहरुसँगको एक विशेष अन्तरक्रिया तथा छलफल कार्यक्रम आयोजना गर्दै दैलेख प्रहरीले एक आर्थिक वर्षभित्र भएका विविध गतिविधि सहित कार्य प्रगति प्रस्तुत गरेको हो ।
जिल्लाका ११ वटा स्थानिय तहहरु भएका विभिन्न अपराधिक क्रियाकलापहरु जिल्ला प्रहरी कार्यालयबाट गरिएका गतिविधिहरु लगाएत मातहतका प्रहरी इकाईहरुबाट समेत एक वर्षभित्र भएगरेका उपलव्धीहरुका सन्दर्भमा समिक्षात्मक प्रतिवेदन प्रस्तुत गर्दै दैलेख प्रहरीले आगामी दिनहरुमा थप गर्नुपर्ने रणनिति र कार्यनितिका साथै सल्लाह सुझावहरु समेत प्रस्तुत गरेको छ । कार्यक्रममा सहभागित विभिन्न सञ्चार माध्ययममा कार्यरत पत्रकारहरुले प्रहरिको गतिविधि र चुनौतिका साथै आगामी दिनमा शान्तिसुरक्षा र अमनचयनमा गर्नुपर्ने थप कार्यहरुका सन्दर्भमा सुझावहरु प्रस्तुत गरका थिए ।
कार्यक्रमको अवसरमा बोल्दै जिल्ला प्रहरी कार्यालय दैलेखका प्रमुख प्रहरी नायव उपरिक्षक गणेश बहादुर बरालले दैलेख प्रहरीले जिल्ला भित्र प्रहरीले वर्षभरि गरेका विभिन्न समिक्षा गर्ने गरेको सन्दर्भ उठान गर्दै सोहि अनुरुप पत्रकार मार्फत यस वर्षको वार्षिक कार्य प्रस्तुत गरिएको जानकारी सहित हालसम्म समग्र जिल्लाको शान्तिसुरक्षा र अमनचयन सन्तोषजनक रहेको बताउनुभयो ।