दिपेन्द्र कार्की बस्ताकोटी, दैलेख
२० जेठ,२०८२
दैलेखको दुल्लु नगरपालिका वडा नं. १३ को वार्षिक सार्वजनिक सुनुवाई कार्यक्रम आज सम्पन्न भएको छ । वडाद्धारा आर्थिक वर्ष २०८१÷८२ का लागि विनियोजित बजेट लगाएत सञ्चालित योजनाहरुसंगै विकास निर्माण लगाएत प्रवाह गरेका सेवाहरुको सन्दर्भमा यस वर्षको वार्षिक सार्वजनिक सुनुवाई कार्यक्रम सम्पन्न गरेको हो ।
दुल्लु नगरपालिका वडा नं.१३ को वडा कार्यालय मालिका हाडेआवतमा सञ्चालित उक्त सार्वजनिक सुनुवाई कार्यक्रममा वडा क्षेत्रबाट यस आर्थिक वर्षमा सञ्चालित शिक्षा, स्वास्थ्य , खानेपानी, सडक , विधुत लगाएत विकास पुर्वाधार र विविध विषय गरिएका प्रगति प्रतिवेदन वडा सचिव भद्र बहादुर हमालले प्रस्तुत गर्नुभएको थियो ।
उक्त सार्वजनिक सुनुवाई कार्यक्रमका सहभागि स्थानियबासी सेवाग्राहीहरुले वडा कार्यालयबाट प्रवाह गरिएका विभिन्न सेवाहरु लगाएत विकास निर्माण लर जनसरोकारका क्षेत्रमा सकारात्मक सुधारसँगै आवश्यकताकोे सन्दर्भमा राखेका प्रश्न एवं सल्लाह सुझावहरुको सहजिकरण गर्दै प्रश्नहरुको जवाफ कार्यक्रमका मुख्य जवाफदेहि वक्ता वडाध्यक्ष लाल बहादुर शाहीले गर्नुभएको थियो ।
दुल्लु नगरपालिका वडा नं. १३ स्थानिय तहको उपनिर्वाचन २०८१ अन्तरगत वडाध्यक्षको चुनाव भएको वडा हो । वडाध्यक्ष शाही उपनिर्वाचनबाट निर्वाचित वडाध्यक्षको रुपमा रहनुभएको छ ।
