दिपेन्द्र कार्की बस्ताकोटी, दैलेख
१० फाल्गुन,२०८१
वालवालिका र किशोरकिशोरीहरु लाई सकारात्मक शिक्षा प्रदान गर्दै जीवन उत्तरदायित्व वोधका लागि सञ्चालित रुपान्तरण कक्षाका सहभागिहरुले एक औपचारिक कार्यक्रमका बिच आफ्नो सिकाई उपलव्धीलाई प्रर्दशन गरेका छन । यतिबेला वालवालिकाहरु तथा किशोर किशोरीहरुको बढ्दो शारिरिक र मानसिक उतारचढावलाई सकारात्मक रुपमा शिक्षा प्रदान गर्दै उनिहरुलाई जिम्मेवार भएर अघि बढाउनका लागि नारायण नगरपालिका दैलेको सहकार्यमा सोसेक नेपालको रुपान्तरण कक्षा प्रभावकारी बन्न पुगेको छ । समाजमा विद्यमान दुव्र्यसनी, महिला हिंसा, वालहिंसा, वालविवाह, वहुविवाह, छाउपडी, छुवाछुत र भेदभावको सन्दर्भमा शिक्षा प्रदान गर्दै विद्यालय उमेरका किशोर किशोरीहरुलाई शारिरिक ,मानसिक, सामाजिक, संवेगात्मक विकासका लागि किशोरकिशोरी सुचना केन्द्र मार्फत पारिवारिक संवाद लगाएत रुपान्तरण कक्षामा समाहित गर्दै सञ्चालित कक्षाका किशोरकिशोरीहरुले जीवनउपयोगी विभिन्न शिक्षाका साथै स्वास्थ्य र यौन शिक्षासँग सम्बन्धित सिकाईलाई प्रर्दसन गरेका छन । सो क्रममा उनिहरुले किशोरकिशोरी रुपान्तरण कक्षाबाट आफुहरुको जीवन नै रुपान्तरण भएको बताएका छन ।
जिल्लाको सदरमुकामको रुपमा रहेको नारायण नगरपालिकाको ३ वटा वडाको ३ वटा माध्यामिक विद्यालयमा यतिबेला उक्त रुपान्तरण कक्षा सञ्चालित छ भने त्रिभुवन माध्यामिक विद्यालयमा एक किशोर किशोरी मैत्री सुचना केन्द्र समेत रहेको छ । जसबाट किशोरकिशोरीहरुले जीवनमा आइपरेका हरेक समस्यालाई प्रस्तुत गर्दै सहजीकरण प्राप्त गर्नेगरेका छन । उक्त कार्यक्रमको अवसरमा बोल्दै शसक्त महिला संवृद्ध नेपाल कार्यक्रमका संयोजक रमेश थापाले किशोर किशोरीहरुमा कुनैपनि समस्या भईसकेपछि भन्दा समस्या आउन नदिनुनै कार्यक्रमको मुख्य उद्धेश्य रहेकोमा जोड दिनुभयो ।
किशोर किशोरीहरुको सिकाई प्रस्तुतिकरण र प्रर्दशनीको अवसरमा बोल्दै नारायण नगरपालिका दैलेखका उपप्रमुख तप्ता कुमारी थापाले कार्यक्रमले ठुलो सफलता र उपलव्धी हासिँल गरेको भन्दै यतिबेला समाजमा विभिन्न विकृति विसंगति बढिरहेको समयमा रुपान्तरण कार्यक्रमले समाज रुपान्तरणको बाटो देखाएको भन्दै भोलिका दिनमा कार्यक्रमले निरन्तरता पाउनुपर्नेमा नगरपालिका तयार रहेको बताउनुभयो ।
शसक्त महिला संवृद्ध नेपाल कार्यक्रम अन्तरगत रुपान्तरण कक्षा कालिकोट ,दैलेख र सुर्खेत जिल्लाको ३ वटा स्थानिय तहमा सञ्चालनमा रहेको छ ।
