दिपेन्द्र कार्की बस्ताकोटी,दैलेख
१५ फाल्गुन,२०८१
दैलेखको दुल्लुबाट यात्रु लिएर वीरेन्द्रनगर आउँदै गरेको फोर्स गाडी (हाईस) आज दिउँसो सुर्खेतमा दुर्घटनामा परेको छ । कर्णाली प्रदेश ०२००१ ख ०४९१ नम्बरको उक्त गाडी बाँगेशीमलबाट करिब एक किलोमिटर अगाडी कर्णाली राजमार्गमा दुर्घटनामा परेको हो । र्घटनामा परि दुइ बालबालिकासहित १५ जना यात्रुहरु घाइते भएका छन् भने एकको मृत्यु भएको छ । ति घाइतेहरु मध्ये आठ जनाको प्रदेश अस्पताल सुर्खेत, पाँच जनाको माया नर्सिङ होम र तीन जनाको कर्णाली केयरमा उपचार भइरहेको जिल्ला ट्राफिक प्रहरी कार्यालय सुर्खेतले जनाएको छ। उक्त गाडी दुर्घटना हुनुको मुख्य कारण खुलेको छैन् भने गाडी सडकदेखि १२ मिटर तल खसेको छ । घाइते अन्य सबैको अवस्था सामान्य रहेको प्रहरीले जनाएको छ ।
