दिपेन्द्र कार्की बस्ताकोटी दैलेख
१३ असारा २०८२

रोजगार सेवा केन्द्र दुल्लुको वाािर्षक समिक्षात्मक कार्यक्रम दुल्लुमा सम्पन्न भएको छ । दुल्लु नगरपालिकाको सभाहलमा आयोजित उक्त समिक्षा कार्यक्रममा रोजगार शाखाले वर्षभरी गरेका उपलव्धीहरुका साथै चुनौति र आगामी योजनाको सन्दर्भमा जानकारी गराइएको छ । शाखाले यस वर्ष आजका दिनसम्म करिब ८१.३४ प्रतिशत लक्ष्य हासिँल गरेको र बाँकी केहि दिनमा उलव्धीको जनिक पुगेको बताइएको छ । सो अवसरमा दुल्लु नगरपालिकामा १५६३ जना व्यक्तीहरु रोजगारमा सुचिकृत भएको, ४० जना सुचिकृत व्यक्तीहरुलाई शिपविकास तालिम प्रदान गरिएको, ८ जना व्यक्तीहरुलाई विदेशको लागी श्रम स्विकृत गरिएको समेत उक्त समिक्षात्मक कार्यक्रमको अवसरमा बताइएको छ ।
कार्यक्रममा रोजगार सेवाकेन्द्र दुल्लुका संयोजक नवराज थापाले सेवाकेन्द्रको वार्षिक प्रगति प्रतिवेदन प्रस्तुत गर्नुभएको थियोा ।

दिपेन्द्र कार्की बस्तकोटी दैलेख
१३ असार २०८२

महिला शसक्तिकरण मञ्च नेपालको नयाँ परियोजनाको रुपमा “महिला र सिमान्तकृत समुहको न्यायमा पहुँच अभिवृद्धी परियोजना” कार्यक्रमको परिचयात्मक कार्यक्रम आज दुल्लु नगरपालिकामा सम्पन्न भएको छ । महिला तथा वालवालिकाको क्षेत्रमा काम गर्ने लक्ष्यका साथ विगत देखी महिला तथा वञ्चितिकरणमा परेका वर्ग समुदायको हक अधिकार सुनिश्चित गर्नका लागि परियोजनाले काम गरिरहेको छ । दैलेखको दुल्लु नगरपालिका, सुर्खेतको चिंगाड गाउँपालिका र कालिकोटको सान्नित्रिवेणी गाउँपालिकामा यतिबेला परियोजनाले विशेष काम गर्ने बताइएको छ ।
परिचयात्मक कार्यक्रमको अवसरमा दुल्लु नगरपालिका नगरप्रमुख भरत प्रसाद रिजालले धेरै संघसंस्थाहरुले दुल्लुमा काम गर्दै गरेको सन्दर्भ उठान गर्दै यस परियोजनाले समेत आफ्नो लक्ष्य अनुरुप काम गर्ने आशा रहेको भन्दै परियोजना भित्रिएकोमा खुशी व्यक्त गर्नुभयो ।
दुल्लु नगरपालिका रोजगार शाखाका सहायक दुर्गा लम्सालले सञ्चालन गर्नुभएको उक्त परिचयात्मक कार्यक्रमको अध्यक्ष दुल्लु नगरपालिका उपप्रमुख बिना कार्कीले गर्नुभएको थियोा ।

दिपेन्द्र कार्की बस्ताकोटी दैलेख
१२ असार २०८२
दैलेखको दुल्लु नगरपालिकाले आफ्नो १७औँ नगरसभाको अधिवेसन आज सौहार्दपुर्ण वातावरणमा सम्पन्न गरेको छ । गत असार १० गते विधिवत औपचारिक कार्यक्रमका बिच उद्धघाटन भएको नगरसभामा आर्थिक वर्ष ८२ ८३ का लागि निति तथा कार्यक्रम पारित गर्दै त्यसमाथी बजेट प्रस्तुतिका साथ स्थगित भएको थियो । आज दिउँसो १ बजे बसेको नगरसभामा विभिन्न समितिका प्रतिवेदनहरु समेत प्रस्तुत गरिएको थियो । समितिका संयोजकहरुले प्रस्तुत गरेका विभिन्न प्रतिवेदनहरु माथी छलफल गर्दै त्यसमाथी उठका प्रश्नहरुको जवाफ नगरसभाका अध्यक्ष तथा नगरप्रमुख भरत प्रसाद रिजालले सहजिकरण गर्नुभएको थियो ।
आजको नगरसभामा नगरसभाका सदस्यहरुले आम नागरिकहरुका समस्याहरु र तिनको समाधानका लागि नगरपालिकाले चाल्नुपर्ने कदमका बारेमा सुझाव समेत दिएका थिए । नगरसभाको समापन गर्दै दुल्लु नगरपालिकाका नगरप्रमुख भरत प्रसाद रिजालले समग्र दुल्लु बनाउने परिकल्पनामा सबै नगरसभाका सदस्यहरुलाई हातेमालो गर्दै अघि बढ्न सल्लाह दिनुभयो ।

दिपेन्द्र कार्की बस्ताकोटी दैलेख
१२ असार २०८२

दैलेखको भैरबी गाउँपालिकामा कुकुरको बन्ध्याकरण शिविर सञ्चालन गरिएको छ । बजारक्षेत्रमा भुस्याहा कुकुरको संख्या बढ्दैै गईरहेको सन्दर्भमा कुकुरको टोकाइबाट रेबिज रोग लाग्न बाट बच्नको लागि कुकुरको जनसंख्या नियन्त्रण गर्ने उदेश्यका साथ सामुदायिक तथा निजी कुकुर बन्ध्याकरण शिविर असार १० र ११ गते भैरवी गाउँपालिकामा सम्पन्न भएको छ । उक्त शिबिरमा घर पालुवा तथा छाडा कुकुरहरुको बन्ध्याकरण गरिएको छ । शिविरको क्रममा ७६ वटा कुकुरहरू मध्ये भाले कुकुर ४७ र पोथी कुकुर २९ वटालाई बन्ध्याकरण सेवा प्रदान गरिनुका साथै प्रत्येक कुकुरलाई रेबिज रोग विरुद्ध खोप पनि लगाइएको भैरवी गाउँपालिका पशु शाखा प्रमुख डा. रंजन सिंह कुशवाहाले जानकारी गराउनुभयो ।

दैलेखको भैरवी गाउँपालिकामा भएको ट्याक्टर दुर्घटनामा परि चालकको मृत्यु भएको छ भने सहचालक गम्भिर घाइते भएका छन । भैरबी गाउँपालिका–६ तीजडाँडाको भीरमा भएको दुर्घटनामा ट्याक्टर चालक नारायण नगरपालिका–१ कुइकाना २१ वर्षीय इश्वर श्रेष्ठको मृत्यू भएको र सहचालक गम्भिर घाइते भएका छन ।

ना।प्र।०२–००१ त ५९१ नम्बरको ट्ट्याक्टर तोरीमुलबाट डाँडामाडी तर्फ आउदै गर्दा राति करिब ११ बजे दुर्घटनामा परेको दैलेख प्रहरीले जनाएको छ । घटनामा घाइते भएका सहचालक भैरबी गाउँपालिका–४ का १९ वर्षीय सुन्दर बिष्टको उपचार भैरहेको र घटनाको सन्दर्भमा अनुसन्धान सुरू भइरहेको दैलेख प्रहरीले जनाएको छ ।

दिपेन्द्र कार्की बस्ताकोटी, दैलेख
असार १०,२०८२
डोल्पाको त्रिपुरासुन्दरी नगरपालिकाको १३ औं नगर सभा को अधिवेसनमा आर्थिक बर्ष २०८२र२०८३ को नीति तथा कार्यक्रम पेश गरिएको छ। त्रिपुरासुन्दरी नगरपालिकाको लागि आर्थिक वर्ष २०८२ ८३ को लागि बार्षिक नीति तथा कार्यक्रममाथी ५२ करोड ६८ लाख ३० हजार ३ सय ३४ रुपैया बजेट पेश भएको हो ।
त्रिपुरासुन्दरी नगरपालिकाका उपप्रमुख देवी घर्तीले पेश गरेको नीति तथा कार्यक्रम नगर प्रमुख जनचन्द्र रोकायाले प्रस्तुत गर्नुभएको थियो । सो नीति तथा कार्यक्रम गर्दै नगर प्रमुख रोकायाले प्रत्येक वडाका नागरिकका आवश्यकता अनुसार शिक्षा, स्वास्थ्य, कृषि , खानेपानी , सडक,पोषण, पर्यटन, कला सांस्कृतिक, खेलकुद, रोजगारमुलक तालिम लगाएतका कार्यक्रम संचालन गरिने नगर प्रमुख रोकायाले बताउनुभयो। नगर सभामा नेपाली कांग्रेस र माओवादी केन्द्रका सदस्यहरु असन्तुष्ट भएपनि बन्द सत्रमा बजेट बाँडफाँड गर्दा सबैका माग पूरा गरेर बजेट पास हुने बिश्वास व्यक्त गरेका गरिएको छ ।
त्रिपुरासुन्दरी नगरपालिकाको सामान्य केही बिबादका कारण बजेट बाडफाड नहुदा चालू र पुजिगत खर्च नछुट्टिएको भएपनि असार ११ गते बस्ने नगरसभाको बन्द सत्रले कुन क्षेत्रमा कति बजेट विनियोजन गरिनेछ । उक्त नगर सभामा नेपाली कांग्रेस र नेकपा माओवादी केन्द्रबाट निर्वाचित कार्यपालिका सदस्यहरु सहभागी भएका थिएनन्।

दिपेन्द्र कार्की बस्ताकोटी, दैलेख
असार १०,२०८२
दैलेखको दुल्लुमा रहेको सिटिजन बैंक को इन्टरनेश्नल दुल्लु शाखाले पञ्चकोशी बहुप्राविधिक शिक्षालय दुल्लु ८ का बिद्यार्थीहरुका लागि आवस्यक कापी पेन स्टेशनरी तथा खे लकुद सामग्री तर्फ भलिबल र फुटबलका लागि महिला र पुरुषका लागि छुट्टाछुट्टै सामग्री र बुद्धिचाल खेल चेस लगायतका सामग्रीहरु उपलब्ध गरायको छ ।शिक्षालयमा यक कार्यक्रमका बिच असार ८ गते सामग्री हस्तान्तरण गरिएको थियो । सिटिजन वैंकको यस सहयोगको कार्यले शिक्षालयको शैक्षिक उन्नयनमा र बिद्यार्थीको चौतर्फी विकासमा थप टेवा पुग्नुका साथै आफ्नो सामाजिक उत्तरदायित्व मार्फत गरिएको कार्यको प्रशंसा गरिएको छ । सामाजिक रुपमा पिछडियका विपन्न ,शारीरिक अशत्तता तथा पढाईमा जेहेन्दार विद्यार्थीलाई विशेष ध्यान दिन भन्दै यश सहयोगि कार्यको लागि सिटिजन बैंक ईन्टरनेसनल दुल्लु शाखालाई शिक्षालयका लेखाप्रमुख तथा निमित्त शिक्षालय प्रमुख श्यामशुन्दर गिरीले धन्यबाद दिनुभयको छ भने शिक्षालयका संस्थापक अध्यक्ष तथा हाल कर्णाली प्रदेश सामाजिक विकास मन्त्रि घनश्याम भण्डारीले समेत वैंकको सहयोग प्रति खुलेर प्रशंसा गर्नुभएको छ ।

दिपेन्द्र कार्की बस्ताकोटी, दैलेख
असार १०,२०८२

दैलेखको गुराँस गाउँपालिकाले १६औँ गाउँसभाको अधिवेशनबाट आर्थिक वर्ष २०८२०८३ का लागि निति तथा कार्यक्रममाथी बजेट सार्वजनिक गरेको छ । गाउँपालिकाले आर्थिक वर्ष २०८२०८३ का लागि ७३ करोड ६१ लाख ४४ हजार ९५५ रुपैयाँको बजेट सार्वजनिक गरेको हो । गुराँस गाउँपालिकाको सभाहलमा आयोजित गाउँसभामा गाउँपालिकाका अध्यक्ष टोप बहादुर बिसीले प्रस्तुत गर्नुभएको निति तथा कार्यक्रम माथी उपाध्यक्ष शिवाकुमारी खड्काले बजेट सार्वजनिक गर्नुभएको हो । निति तथा कार्यक्रममाथी प्रस्तुत बजेट मार्फत समृद्ध, समुन्नत, प्रविधिमैत्री र पर्यटनमैत्री गुराँस गाउँपालिकाको निर्माण गर्ने सोच र आर्थिक, भौतिक, सूचना प्रविधि र पर्यटन पूर्वाधार विकास गर्दै समृद्ध, समुन्नत र आत्मनिर्भर गाउँपालिकाको निर्माण गर्ने लक्ष्य लिएको बताइएको छ ।
किसानको हक हित संरक्षण संबर्द्धन गर्दै कृषिको उत्पादन र उत्पादकत्व बढाउन भुउपयोग नीतिको अवलम्बन गरी कृषिको व्यवसायीकरण विविधिकरण र बजारीकरण गरी कृषकको अवस्था समुन्नत र पेशा सम्मानजनक बनाउने र आर्थिक क्षेत्रका सबै गतिविधिमा स्वच्छता जवाफदेहीता र प्रतिस्पर्धाको प्रबर्द्धन गर्नेगरी बजेट विनियोजन गरिएको छ ।

यस्तै, सार्वजनिक सेवा प्रवाहलाई छिटो छरितो बनाउन गुराँस गाउपालिकाका आठै वडालाई सूचना प्रविधिको गुणस्तरीय पहुँचयुक्त बनाउने र आकस्मिक रुपमा आइपर्ने संकट विपद र प्रकोप व्यवस्थापनको लागि पूर्वतयारी गर्ने र राहत तथा पुनर्स्थापनाको लागि पालिकालाई सक्षम बनाउने उदेश्य बजेटको छ

दिपेन्द्र कार्की बस्ताकोटी, दैलेख
असार १०,२०८२

दैलेखको दुल्लु नगरपालिकाले आज १७औँ नगरसभाको अधिवेशनबाट आर्थिक वर्ष २०८२÷८३ का लागि निति तथा कार्यक्रम र त्यसमाथी बजेट प्रस्तुत गरेको छ । कर्णााली प्रदेशकै दोस्रो ठुलो स्थानिय तहको रुपमा रहेको दुल्लु नगरपालिकाले जिल्लामै सबैभन्दा बढि बजेट समेत प्रस्तुत गरेको छ । नगरपालिकाले यतिबेला नगरपालिका क्षेत्रको चौतर्फी विकासका साथै नगरबासीलाई उत्पादनशिल क्षेत्रसँग जोड्दै आर्थिक विकास केन्द्रित निति कार्यक्रम अघि सारेको छ ।
दुल्लु नगरपालिकाले आज प्रस्तुत गरेको निति तथा कार्यक्रम माथि १ अरब ८ करोड ८१ लाख ४९ हजारको बजेट प्रस्तुत गरिएको छ । दुल्लु क्षेत्रको कृषि पशुपंछीको क्षेत्रलाई अग्रपंतिमा राख्दै शिक्षा स्वास्थ्य, लगाएतको क्षेत्रमा महत्व राख्दै तय गरिएको निति तथा कार्यक्रम नगरप्रमुख भरत प्रसाद रिजालले नगरसभामा प्रस्तुत गर्नुभएको थियो ।

नगरसभामा नगरप्रमुख भरत प्रसाद रिजालले प्रस्तुत गर्नुभएको निति तथा कार्यक्रम माथि नगरउपप्रमुख बिना कार्कीले बजेट प्रस्तुत गर्नुभएको थियो ।

विगत वर्षहरु जस्तै आर्थिक विद्येयक र विनियोजन विद्येयक पारित पश्चात निति र कार्यक्रम माथी बजेट समेत पारित गर्दै अघि बढेको नगरसभा उल्लासमय वातावरणमा सम्पन्न भएको छ । नगरसभाको पहिलो वैठक सम्पन्न भएपश्चात बोल्दै दुल्लु नगरपालिका प्रमुख भरत प्रसाद रिजालले विगतको भन्दा फरक र गतिशिलत निति तथा कार्यक्रम माथी प्रस्तुत भएको बजेटले समग्र नगरबासीको जीवनस्तर परिवर्तन गर्ने भन्दै खुशी व्यक्त गर्नुभयो ।

दिपेन्द्र कार्की बस्ताकोटी, दैलेख
असार ९,२०८२

दैलेखको नारायण नगरपालिकाले आज एक औपचारिक कार्यक्रमका बिच नगरसभाको १६औँ अधिवेसन सञ्चालन गरेको छ । जिल्लाकै सदरमुकामको रुपमा रहेको र फरक पहिचान भएको नारायण नगरपालिले उक्त नगरसभाको अधिवेसनमा आर्थिक वर्ष २०८२÷८३ का लागि निति तथा कार्यक्रम प्रस्तुत गरेको छ । नगरपालिकाले कृषि ,पर्यटन र पुर्वाधार लक्षित निति तथा कार्यक्रमलाई प्राथमिकतामा राख्दै विकास निर्माण र सेवाप्रवाहमा पारदर्शितालाई अवलम्बन गर्ने रणनिति अघि सारेको छ ।
नारायण नगरपालिकाको नगरसभाको अधिवेशनबाट सर्वसम्मतरुपमा पारित भएको उक्त निति तथा कार्यक्रमबाट भौतिक पुर्वाधार , शिक्षा, स्वास्थ्य, खानेपानी लगाएत समग्र नारायणबासीको जनजीवनमा उपलव्धी हुने कार्यक्रम अघि सारेको छ ।
नारायण नगरपालिकाको १६औँ नगरसभाको अधिवेसनमा नगरप्रमुख लोमन शर्माले प्रस्तुत गरेको आर्थिक वर्ष २०८२÷८३ को निति तथा कार्यक्रम माथि आगामी भोलि असार १० गते पुनः बस्ने नगरसभाको अधिवेसनमा नगरउपप्रमुख तप्ता थापाले बजेट प्रस्तुत गर्ने कार्यक्रम रहेको छ ।