दिपेन्द्र कार्की बस्ताकोटी, दैलेख
असोज १५,२०८१

दैलेखको दुल्लु नगरपालिका वडा नं. २ पानसैनका २ बालिकाहरु गत असोज १३ गतेदेखि सम्पर्कविहिन छन । सम्पर्कविहिन हुनेमा दुल्लु नगरपालिका २ को श्री नरेश्वर उद्यमशिल विद्यालयमा कक्षा ८ मा अध्ययनरत १३ वर्षिय लक्ष्मी विक र सोहि विद्यालयको कक्षा ९ मा अध्ययनरत १३ वर्षिय पुजा विक रहेका छन । दिउँसो करिब २ बजेको समयमा दुल्लु नगरपालिका २ मा पर्ने सुर्खेत जुम्ला सडकको सियाँलामा गाडीमा चढेको स्थानियका अनुसार जानकारी पाइएको छ भने उनिहरुले केहि दिन अघि मात्र सुर्खेतको एक युवक सँग फोन गरेको बुझिएको छ । ति युवक केहि समय अघि नरेश्वर विद्यालयको भवन निर्माणको क्रममा त्यहाँ बसेको खुलेको छ । साथै ति युवकलाई फोन सम्पर्कबाट बुझ्दा उनिहरु त्यहाँ नभएको साथै उनिहरुलाई घर फर्किन भनेको युवकले बताएका छन ।
उनिहरु सम्पर्क विहिन भएपश्चात इलाका प्रहरी कार्यालय दुल्लु ,जिल्ला प्रहरी कार्यालय दैलेख लगाएत जिल्ला प्रशासन कार्यालयमा समेत खबर भएपनि हाल सम्म उनिहरुको स्थिति बारे जानकारी पाउन नसककेको नरेश्वर उद्यमशिल विद्यालयका व्यवस्थापक तथा दुल्लु नगरपालिकाका पुर्व प्रमुख प्रशासकिय अधिकृत ज्ञानमणी नेपालले भुगोल अन्लाईनसँगको कुराकानीमा बताउनुभयो । वालिकाहरु सम्पर्क विहिन भएपछि घरपरिवार र आफन्तहरु तनाबग्रस्त अवस्थामा पुगेका छन ।
सम्पर्कविहिन ति २ वालिकाको यतिबेला खोजतलासा भइरहेको साथै फेला पार्नुहुने महानुभावहरुले जिल्ला प्रहरी कार्यालय दैलेख लगाएत नजिकको प्रहरी कार्यालय साथै व्यवस्थापक ज्ञानमणी नेपालको सम्पर्क नम्बर ९८४३११०८७२ मा सम्पर्क गरिदिन समेत विद्यालय परिवारले अनुरोध गरेको छ ।