दिपेन्द्र कार्की बस्ताकोटी, दैलेख
कात्तिक ५, २०८१

लोकवार्ता परिषद् नेपालको १३औँ संघ गोष्ठि एक औपचारिक कार्यक्रमका बिच दुल्लुमा उद्ध्घाटन गरिएको छ । परिष्दको १३औँ संघ गोष्ठि अन्तरगत कात्तिक ३ गतेदेखी १२ गते सम्म सुर्खेतबाट सुरु गरिएको यात्रा आगामी कात्तिक १२ गते मुगुमा पुगेर सम्पन्न हुनेछ । समग्र कर्णाली प्रदेशको कला सँस्कृति परम्परा लगाएत पर्यटकिय क्षेत्रको वास्तविकता पहिचान गर्दै त्यसको प्रचारप्रसार गर्ने उद्धेश्यका साथ गोष्ठि फलदायि हुने अपेक्षा गरिएको छ ।
दुल्लुमा नवगठित लोकवार्ता परिषद नेपाल दैलेख शाखा द्धारा व्यवस्थापन गरिएको र दुल्लु नगरपालिकाद्धारा सहजिकरण गरिएको उक्त उद्धघाटन गरिएको कार्यक्रममा दुल्लु क्षेत्रमा विद्यमान पञ्चेबाजा, हुड्केनाँच, देउडा, ठाडिभाका, धमारी, भैनी, झोडा माँगल, तरबार नाँच लगाएत विभिन्न साँस्कृतिक झाँकीहरु प्रस्तुत गरिएको छ ।
कार्यक्रमको अवसरमा लोकवार्ता परिषद् नेपालका केन्द्रिय प्रतिनिधिहरु र प्राध्यापकहरुलाई दुल्लु क्षेत्रको परम्परामा आधारित दहिचाँवलको टिका र सेतो रुमालको पगरी बाँधेर सम्मान गरिएको छ भने कार्यक्रमलाई प्रभावकारीरुपमा सम्पन्न गर्ने सहयोगीहरुलाई प्रमाणपत्रद्धारा सम्मान गरिएको छ ।
कार्यक्रमका प्रमुख अतिथि कर्णाली प्रदेश सामाजिक विकास मन्त्री घनश्याम भण्डारीले समग्र कर्णाली र त्यस भित्रको सिजाँ राज्यको हिउँदे राजधानीको रुपमा रहेको दुल्लु क्षेत्रको इतिहास र यहाँ भएका विविध कला सँस्कृति र पर्यटकिय क्षेत्रको प्रचारप्रसारका लागि संघगाष्ठि फलदायि हुने बताउनुभयो ।
सो कार्यक्रममा बोल्दै दुल्लु नगरपालिकाका नगरप्रमुख भरत प्रसाद रिजालले इतिकासका पानामा अंकित दुल्लुमा एतिहासिक नेपाली भाषाको शिलालेख समेत अवस्थित भएको सन्दर्भ उठान गर्दै दुल्लुको बारेमा सबै प्राध्यापकहरुको कलम चल्नुपर्नेमा जोड दिनुभयो ।
कार्यक्रम लोकवार्ता परिषद् नेपाल दैलेख शाखाका अध्यक्ष लाल बहादुर रावतको अध्यक्षतामा भएको थियो । संघ गोष्ठि कार्यक्रम अन्तरगत ५ गते दुल्लु क्षेत्रका विभिन्न पर्यटकिय र धार्मिक क्षेत्रको अवलोकन भ्रमण गरिनुका साथै दिउँसा्े कार्यपत्र प्रस्तुत गरिने कार्यक्रम रहेको छ ।