दिपेन्द्र कार्की बस्ताकोटी, दैलेख
१६ माघ,२०८१

दैलेखको दुल्लु नगरपालिका वडा नं. २ मा रहेको श्री भानेश्वर माध्यामिक विद्यालयको ६३औँ वार्षिकोत्सब समारोह तथा अभिभावक दिवस आज एक औपचारिक कार्यक्रमका बिच सम्पन्न भएको छ । दुल्लु नगरपालिका भित्रका ५४ वटा विद्यालयमा १५ वटा माध्यामिक विद्यालयहरु मध्ये फरक पहिचान बनाएको आवासिय विद्यालयको रुपमा रहेको भानेश्वर माध्यामिक विद्यालयलयले हरेक वर्ष आफ्नो वार्षिकोत्सव समारोह र अभिभावक दिवस मनाउदै आएको छ ।
वि.स.२०१८ सालमा साविकको नाउलेकटुवाल गाउँ विकास समितिमा स्थापना भएको विद्यालयले यतिबेला समग्र दुल्लु नगरपालिका वडा नं. १ र २ को माध्यामिक कक्षाहरु सञ्चालन गर्दै आइरहेको छ । विद्यालयको वार्षिकोत्सव समारोहको अवसरमा प्रधानाध्यापक ललित प्रसाद पोख्रेलले विद्यालयको वार्षिक गतिविधि सहितको आर्थिक प्रतिवेदन समेत प्रस्तुत गर्नुभएको थियो ।

विद्यालयको ६३औँ वार्षिकोत्सव समारोह तथा अभिभावक भेलालाई उद्धघाटन गर्दै दुल्लु नगरपालिका वडा नं. २ का वडाध्क्ष फारमसिंह थापाले नेपाल सरकार र स्थानिय सरकारले मात्र शिक्षामा सुधार ल्याउन नसक्ने भन्दै अभिभावकहरुले लगानी गर्न सकेको खण्डमा उनिहरुको भविश्य शुन्दर हुनेमा जोड दिनुभयो ।

विद्यालयको वार्षिकोत्सव तथा अभिभावक भेलाको अवसरमा बोल्दै विद्यालय व्यवस्थाप समिति अध्यक्ष जितेन्द्र कुमार थापाले आफुले विगतमा विद्यालयको जिम्मेवारी लिएसंगै विद्यालयको आर्थिक भौतिक नैतिक क्षेत्रमा परिवर्तन भएको भन्दै त्यसमा अभिभावकहरुले मुल्यांकन गर्नुपर्ने बताउनुभयो ।

विभिन्न साँस्कृतिक कार्यक्रम सहित विद्यार्थीहरुका अन्तरनिहित प्रतिभाहरु सहित प्रस्तुत गरिएको उक्त कार्यक्रमको अवसरमा विद्यार्थीहरुले कक्षा सिकाईका विभिन्न प्रयोगात्मक अभ्यासहरु समेत प्रस्तुत गरेका थिए । उक्त कार्यक्रम विद्यालय व्यवस्थापन समिति अध्यक्ष जितेन्द्र कुमार थापाको सभापतित्वमा वडाध्यक्ष फारामसिंह थापाको प्रमुख आतिथ्यमा भएको थियो भने सञ्चालन शिक्षक बासुदेव थापाले गर्नुभएको थियो ।