दिपेन्द्र कार्की बस्ताकोटी, दैलेख
२९ फाल्गुन,२०८१
दैलेखको चामुण्डाबिन्द्रासैनी नगरपालिका वडा नं. १ मा रहेको श्री हिमालय माध्यामिक विद्यालय तिजडाँडाले होली विशेष कार्यक्रमसँगै विद्यार्थी फेरी भेटौँला कार्यक्रम सम्पन्न गरेको छ । विद्यालयले आज होलि विशेष कार्यक्रम सँगै विद्यालयबाट कक्षा १० पास गरि आगामी एसईईमा सहभागि विद्यार्थीहरुलाई विदाई एवं फेरी भेटौला कार्यक्रम सम्पन्न गरेको छ । उक्त कार्यक्रमको उद्धघाटन गर्दै प्रमुख अतिथि दैलेख क्षेत्र नं. २ बाट प्रतिनिधिसभा सदस्य सिता कुमारी रानाले बोल्दै अहिलेका वालवालिकाहरुलाई सँस्काररुपी प्राविधिक ज्ञान दिनुको विकल्प नभएको भन्दै विज्ञान र प्रविधिले अहिलेका वालवालिकाहरुलाई नकारात्मक वाटोमा धकेलिरहेकोप्रति सबै अभिभावकहरुले सचेत हुनुपर्नेमा जोड दिनुभयो । उहाँले यतिबेलाका वालवालिकाहरु मोबाइल प्रयोग लगाएत बजारको रेडिमेट कुराबाट प्रभावित भएको इंगित गर्दै त्यसले उनिहरुलाई तनावको वातावरण सिर्जना गर्दै मृत्यु रोज्न बाध्य पारेको समेत बताउनुभयो । मन्तव्यको क्रममा उहाँले यतिबेदा देश चरम गरिबिको मारमा परेको सन्दर्भ जोड्दै विद्यालयले कृषि क्षेत्रमा समेत बालवालिकालाई जोड्न सकेको खण्डमा भोलिका दिनहरुमा अहिले बाँझो रहेको जमिन पुनः हराभरा हुनेमा आशावादी रहेको धारणा समेत राख्नुभयो ।
विद्यालयले प्रमुख अतिथि रानालाई सम्मान समेत गरेको थियो ।
दिपेन्द्र कार्की बस्ताकोटी, दैलेख
२९ फाल्गुन,२०८१
दैलेखको चामुण्डाबिन्द्रासैनी नगरपालिका वडा नं. १ मा रहेको श्री हिमालय माध्यामिक विद्यालय तिजडाँडाले होली विशेष कार्यक्रमसँगै विद्यार्थी फेरी भेटौँला कार्यक्रम सम्पन्न गरेको छ । पछिल्लो समयमा नगरपालिकाको एक नमुना विद्यालयको रुपमा स्थापित उक्त विद्यालय एक दुर्गममा अवस्थित विद्यालय हो । विद्यालयका शिक्षकहरु लगाएत अभिभावकहरुको अथक मेहनेत र परिश्रमबाट यतिबेला विद्यालय नमुना विद्यालयको रुपमा स्थापित भइरहेको छ । न्युन भौतिक स्रोत साधनका वाफजुद पनि विद्यालयले शैक्षिक क्षेत्रमा उल्लेख्य उपलव्धी हाँसिल गरिरहेको छ ।
विद्यालयले आज होलि विशेष कार्यक्रम सँगै विद्यालयबाट कक्षा १० पास गरि आगामी एसईईमा सहभागि विद्यार्थीहरुलाई विदाई एवं फेरी भेटौला कार्यक्रम सम्पन्न गरेको छ । यस भन्दा अघि २ चरणमा विद्यार्थीहरु एसईईमा सहभागि गराउदै एक पहिचान बनाएको हिमालय माध्यामिक विद्यालयको यो तेस्रो चरण रहेको छ । उक्त कार्यक्रममा दैलेख क्षेत्र नं. २ बाट प्रतिनिधिसभा सदस्य सिता कुमारी रानाले बोल्दै अहिलेका वालवालिकाहरुलाई सँस्काररुपी प्राविधिक ज्ञान दिनुको विकल्प नभएको भन्दै विज्ञान र प्रविधिले अहिलेका वालवालिकाहरुलाई नकारात्मक वाटोमा धकेलिरहेकोप्रति सबै अभिभावकहरुले सचेत हुनुपर्नेमा जोड दिनुभयो ।
यसैगरि कार्यक्रममा बोल्दै उक्त विद्यालयका प्रधानाध्यापक हर्क बिकले विद्यालयमा शौचालय लगाएत विविन्न भौतिक स्रोत साधनको अभाव रहेको सन्दर्भ उठान गर्दै विगतमा सोसेक नेपालले ठुलो सहयोग गरेको साथै संघसंस्था र अभिावकको सहयोगबाट विद्यालय माथी उठेको प्रति खुशी व्यक्त गर्नुभयो । साथै आगामी दिनहरुमा थप सहयोगको खाँचो रहेको समेत उहाँको माग थियो ।
विद्यालयद्धारा आयोजित उक्त होलि तथा विद्यार्थी विदाई कार्यक्रमको अवसरमा विद्यालयलाई स्थापना कालदेखी सहयोग गर्ने शिक्षाप्रेमी, अभिभावकहरु, जनप्रतिनिधिहरु लगाएत सरोकारवालाहरुको सहभागिता रहेको थियो ।
