दिपेन्द्र कार्की बस्ताकोटी, दैलेख
६ चैत्र,२०८१

दैलेखको चामुण्डाबिन्द्रासैनी नगरपालिकामा सञ्चालित सहयात्रा तेस्रो परियोजनाले समग्र नगरपालिका क्षेत्रको शैक्षिक गुणस्तर सुधारको लागि एक वृहत शैक्षिक संवाद कार्यक्रम सम्पन्न गरेको छ । सेभ द चिल्डेनको आर्थिक सहयोगमा सोसेक नेपालद्धारा विगत १ वर्षदेखी समग्र नगरपालिकाको शैक्षिक क्षेत्रमा विविध गतिविधि सहित उल्लेख्य उपलव्धी हाँसिल गर्दै आएको सहयात्रा तेस्रो परियोजनाले नगरपालिकामा क्रियाशिल विभिन्न राजनैतिक दल, विद्यालय व्यवस्थापन समिति, शिक्षक, विद्यार्थी लगाएत सरोकारवालाहरु लगाएत जनप्रतिनिधिहरुको सहभागितामा उक्त शैक्षिक संवाद सम्पन्न गरेको हो ।
नगरपालिकाका विभिन्न विद्यालयहरुमा भौतिक सुधार देखी शिक्षाको गुणस्तरका लागि तालिम लगाएत विभिन्न क्रियाकलापहरु सञ्चालन गर्दै आइरहको छ । शैक्षिक संवादको क्रममा सहभागिहरुले यतिबेलाको खस्किदो शैक्षिक प्रणाली लगाएत शिक्षाप्रति राज्य नै उदाशिन भएको प्रति आ आफ्नो धारणा राखेका छन भने नगरपालिकाद्धारा विगत २०७६ मा निर्माण गरिएको शिक्षा ऐनलाई आवश्यकता अनुसार परिमार्जनको आवश्यकता रहेको धारणा राखेका छन । साथै सहभागिहरुले यतिबेलाको विद्यालयमा विद्यार्थीहरुको संख्यालाई मध्यनजर गर्दै आवश्यकताको आधारमा विद्यालयलाई मर्च गरेर शैक्षिक गुणस्तरलाई वृद्धि गर्नुपर्ने धारणा राखेका छन ।
उक्त शैक्षिक संवादको क्रममा बोल्दै चामुण्डाबिन्द्रासैनी नगरपालिकाका नगरप्रमुख गणेश कुमार शाहीले समग्र नगरपाकिाको शिक्षाले विश्वबजारमा प्रतिस्पर्धा गर्ने जनशक्ति उत्पादनको अपेक्षा गरेको भन्दै त्यसको लागि व्यवहारिक र व्यावसायिक शिक्षाको लागि आफुहरु विगत देखि विभिन्न शैक्षिक गतिविधिका साथ अघि बढेको बताउनुभयो ।

उक्त शैक्षिक संवाद कार्यक्रमको अवसरमा सहयात्रा तेस्रो परियोजना प्रमुख निर्मल अधिकारीले परियोजनाले हालसम्म नगरपालिका क्षेत्रका विभिन्न विद्यालयहरुमा गरेका शैक्षिक गतिविधि लगाएत निर्माण गरिएका भौतिक संरचनाहरु र उपलव्धीको सन्दर्भमा जानकारी गराउनुभएको थियो ।

उक्त शैक्षिक संवाद कार्यक्रममा मुख्य वक्ताको रुपमा नगरप्रमुख गणेश कुमार शाही रहनुभएको थियोल भने अन्य वक्ताहरुमा विद्यालय व्यवस्थापन समितिको तर्फबाट जनता मावि बस्तेकोट चामुण्डाबिन्द्रासैनी ५ का विद्यालय व्यवस्थापन समिति अध्यक्ष जय बहादुर कार्की, प्रधानाध्यापकहरुको तर्फबाट श्री हिमालय मावि तिजडाँडा चामुण्डाबिन्द्रासैनी १ का प्रधानाध्यापक हर्क विक र चामुण्डाबिन्द्रासैनी नगरपालिका ५ का वडाध्यक्ष हस्त प्रसाद शर्मा रहनुभएको उक्त कार्यक्रमको सहजिकरण पत्रकार कलेन्द्र सेजुवालले गर्नुभएको थियो ।