दिपेन्द्र कार्की बस्ताकोटी, दैलेख
५ मंसिर ,२०८१
आगामी मंसिर १६ मा हुने स्थानिय तहको उपनिर्वाचन २०८१ मा दैलेखको महाबु गाउँपालिकामा नेकपा एमाले पार्टीको तर्फबाट गाउँपालिका अध्यक्ष पदका उम्मेदवार जंग बहादुर शाहीले यतिबेलाको उपनिर्वाचन आफ्नो पक्षमा हुने बताउनुभएको छ । भुगोल अन्लाईनसँगको कुराकानीको क्रममा “तपाँईलाई महाबुका मतदाहरुले किन मतदान गर्ने त ?” भन्ने प्रश्नमा उम्मेदवार शाहीले आफुले विगत २०७४ को स्थानिय निर्वाचनमा महाबुको अध्यक्ष हुँदा धेरै विकास निर्माणका कामहरु गरेको दावि गर्दै केहि विकासनिर्माण र जनसरोकारका विषयहरु पछिल्लो सरकारको पालामा अलपत्र परेको भन्दै आफुले जग हालेर छोडेको महाबुको विकासनिर्माणलाई पुर्णता दिनका लागि यतिबेला पार्टीले उचित मुल्यांकन गर्दै नेकपा एमालेको तर्फबाट अध्यक्ष पदको उम्मेदारी दिएको सन्दर्भ उठान गर्दै जनताकै चाहना बमोजिम अगाडी सरेकोमा मतदान गर्नेमा ढुक्क भएको बताउनुभयो ।
उहाँले पार्टीका साथीहरु सबैले सर्वसम्मत अध्यक्ष पदको उम्मेदवारीमा चयन गरेकोले पार्टी कार्यकर्ताहरुमाझ कुनै तिक्तता नभएको समेत कुराकानीको क्रममा बताउनुभयो । साथै नेकपा समाजवादी पार्टीको तर्फबाट उम्मेदवारी दिएका साथीको समेत आफुलाई पुरा सहयोग भएकाले पुनः आफु २ वर्षका लागि महाबु गाउँपालिका अध्यक्षमा चयन हुनेमा दुईमत नभएको समेत ठोकुवा गर्नुभयो ।
बाँकी तलको भिडियो हेर्नुहोस ………. https://youtu.be/1IfxnFix65k
