दिपेन्द्र कार्की बस्ताकोटी, दैलेख
१७ फाल्गुन,२०८१

कर्णाली रोग भोक अशिक्षाबाट मात्र परिबन्ध छैन लंगिक हिंसाको समस्याले अझै ग्रसित छ । समाजले अझैँपनि रुढिवादी चिन्तनबाट छुटकारा पाउन सकिरहेको छैन । महिनावारी, छाउपडी लंगिक हिंसा लगाएत जातिय भेदभाव एकाति छ भने अर्कोतिर शिक्षित व्यक्तीहरु नै यौनका सन्दर्भमा खुलेर बोल्न सकिहरेका छैनन् ।
लैंगिक हिंसा न्युनिकरका लागि विद्यालय स्तरको स्वास्थ्य शिक्षामा प्रजनन् स्वास्थ्य लगाएत यौन शिक्षा र योनिकताका सन्दर्भमा किशोर किशोरीहरुलाई उचित शिक्षा प्रदान गर्नका लागि कर्णालीका विभिन्न विद्यालय शिक्षक शिक्षिकाहरुलाई वृहत यौनिकता शिक्षा प्रदान गरिएको छ । मानव संशाधन विकास केन्द्र कर्णाली प्रदेशको समन्वयमा सोसेक नेपालले ५ दिने वृहत यौनिकता शिक्षा र तालिम सुर्खेतमा सम्पन्न गरेको छ । कर्णाली प्रदेशको सुर्खेत, दैलेख, जाजरकोट,रुकुम र कालिकोटका शिक्षकहरुलाई वृहत यौनिकता र यौन शिक्षाका सन्दर्भमा तालिम प्रदान गरिएको सोसेक नेपालका मिल मेनेजर पदमराज जोशीको भनाई रहेको छ ।
तालिमले विगतको भन्दा फरक शिक्षा प्रदान गरिने बताइएको छ । विगतका दिनहरुमा स्वास्थ्य शिक्षामा यौनशिक्षा लगाएत प्रजनन् स्वास्थ्य अध्यापन गराउदा संकोचित भावनाबाट गराउनुपर्ने वाध्यता भएपनि अब भने यसपछिका दिनहरुमा भतालिम पश्चात खुलेर यौन शिक्षा र प्रजनन् स्वास्थ्य अध्यापन गराउन सकिने तालिमका सहभागि शिक्षकहरुको भनाई रहेको छ ।
कोरा किताबि ज्ञानलाई व्यवहारमा उतार्न समेत मुस्किल भइरहेको बेलामा प्रदान गरिएको यौनिकता तालिमले केहि मात्रामा भएपनि लैंगिक हिंसालाई न्युनिकरण गर्ने अपेक्षा गरिएको छ ।
