दिपेन्द्र कार्की बस्ताकोटी। दैलेख
दैलेख सदरमुकामबाट पश्चिम आठबिस जादैँ गरेको ००१ ज ०६२१ नम्बरको विद्यूतिय हाईस दिउँसो करिब २ बजे तिर मध्यपहाडी राजमार्ग स्थित दैलेखको भैरवी गाउँपालिकाको रावतकोट २ नं. वडा कार्यालय नजिक दुर्घटनामा परेको छ । मध्यपहाडी लोकमार्गमा उक्त गाडी सडकबाट करिब ५० मिटर तल दुर्घटनामा परेको छ । तिब्र गतिका कारण उक्त विद्युतिय हाइस दुर्घटनामा परेको प्रत्यक्षदर्सी स्थानिबासीले जानकारी दिएका छन । घटना लगतै भैरवी गाउँपालिका उपाध्यक्ष देवी भण्डारी सहित स्थानिबासीले घाइतेहकोे उद्धार गरेर भैरवी गाउँपालिकाकै गाडीमा उनिहरुलाई दैलेख अस्पतालमा पठाइएको छ । घटनामा परेका ५ जना मध्ये ३ जना गम्भिर घाईते भएको प्रहरीले जनाएको छ भने गाडीको अगाडीको भागमा ठुलो क्षति पग्नुका साथै गाडी यतिबेला पनि पुर्णरुपमा बन्द भएको छैन । गाडीको इन्जिन भने चलिरहेको छ ।
