दिपेन्द्र कार्की बस्ताकोटी दुल्लु दैलेख
२१ चैत्र २०८१
दैलेखको दुल्लुमा रहेको शुभारम्भ एकेडेमीले आफ्नो विद्यार्थीहरुको वार्षिक परिक्षाको नतिजा प्रकाशनसँगै अभिभावक भेटघाट समेत सम्पन्न गरेको छ । दुल्लु नगरपालिकाको वडा नं. ८ को वालेश्वर सिलंगीमा सञ्चालित एकेडेमी ले आज आफ्नै विद्यालयको भवन दुल्लु पौवामा उक्त कार्यक्रम सम्पन्न गरेको छ । दुल्लु भैरवी क्षेत्रका वालवालिकाहरु अध्ययन गर्ने उक्त एकेडेमीले प्रभावकारी र गुणस्तरिय शिक्षा सञ्चालन गर्दै कक्षा ३ सम्म नियमित कक्षाहरु अगाडी बढाउदै आएकोमा यस शैक्षिक शत्रदेखी भने कक्षा ४ को भर्ना समेत लिने बताएको छ ।
आज भएको नतिजा प्रकाशनको क्रममा वालवालिकाहरुको विभिन्न स्थानको आधारमा पुरस्कार र मेडल समेत प्रदान गर्दै उनिहरुलाई सकारात्मक हौषला प्रदान गरिएको छ । नतिजा प्रकाशन तथा अभिभावक भेटघाटको क्रममा अभिभावकहरुको उल्लेख्य सहभागिता रहेको थियो ।
शुभारम्भ एकेडेमीको आगामी शैक्षिक गतिििवधिहरु दुल्लु पौवा स्थित नवनिर्मित भवनबाट अध्याधुनिक सुविधासहितको गुणस्तरिय कक्षा सञ्चालन गरिने एकेडेमीका प्रिन्सिपल घनश्याम उपाध्यायले बताउनुभयो ।
