दिपेन्द्र कार्की बस्ताकोटी, दैलेख
१४ फाल्गुन,२०८१
दैलेख विभिन्न जातजातिहरुको आदीभुमीको रुपमा परिचित छ । नेपाली भाषाको एतिहासिक शिलालेख समेत रहेको दैलेखको दुल्लु क्षेत्र समेत धेरै जातिहरुको पुख्र्यौैली भुमी अथवा आदी भुमीको रुपमा अवस्थित छ । दैलेखमा करिब ४२ जातिहरुको उद्गम भुमी र त्यसमा दुल्लु विशेष पहिचानको क्षेत्र हो ।
ति आदीभुमीहरु मध्ये एक हो रिजु । रिजाल थरको आदीभुमी अथवा पुर्खाहरुको पुख्र्यौली भुमी रिजु । दुल्लु नगरपालिकाको ५ नम्बरमा अवस्थित उक्त क्षेत्रमा यतिबेला देशभरका धनञ्जय गोत्रिय रिजालहरुको वृहत उपस्थिति र भेला गरिएको छ । पुर्व मेचि देखी पश्चिम महाकालीबाट करिब ३५ जिल्लाका रिजाल थरका बन्धुहरुको उपस्थितिमा वृहत कुलपुजा लगाए वंशावलीको खोज तथा अनुसन्धान समेत सुरु गरिएको छ । रिजुमा रहेको विन्ध्यावासिनी देवि मुख्य कुलदेवीको रुपमा स्विकार गर्दै पुजाआजा लगाएत मन्दिरमा ठुलो घण्ट, त्रिशुल लगाएत विभिन्न मर्मतका साथै पुजाआजा र भेटघाट कार्यक्रमको आयोजना गरिएको छ भने धनञ्जय गोत्रिय दाजुभाईहरुको उपस्थितिले आपशि भाईचाराको समेत विकास भएको बताइएको छ ।
रिजाल सेवा समाजका संयोजक डा.भोला रिजालको अध्यक्षतामा भएको उक्त कार्यक्रममा पुर्व मन्त्रि डा. मिनेन्द्र रिजाल सहित वन्धुहरुको वृहत सहभागितामा उक्त जमघट सम्पन्न भएको हो । रिजाल कुलपुजा तथा भेटभाट कार्यक्रमको अवसरमा बोल्दै दुल्लु नगरपालिकाका नगरप्रमुख भरत प्रसाद रिजालले दैलेखमा भएका विविध थर र जातिका मानिसहरु दुल्लु क्षेत्रमा आगमन भएको खण्डमा संवृद्ध दुल्लु निर्माणका साथै आपशि भाईचाराको विकासमा टेवा पुग्नेमा जोड दिनुभयो ।
रिजाल बन्धुहरुको आपशि जमघटको अवसमा बोल्दै पुर्व मन्त्रि डा. मिनेन्द्र रिजालले वर्तमान समयमा समाजमा आपशि सद्भावको खाँचो भएको सन्दर्भ उठान गर्दै राजनैतिक हिसावले नभई भावनात्मक सम्बन्धका आधारमा सबैले मित्रवत व्यवहार गर्नुपर्ने बताउनुभयो ।
रिजाल वन्धुहरुको कुलपुजा तथा आपशी जमघटको अवसरमा बोल्दै डा. भोला रिजालले दुल्लुको रिजु क्षेत्रलाई पुर्खाको उद्गम थलोको रुपमा सोचेर सबै एक भएर विकास गर्नुपर्ने र त्यसका लागि सबैले सकेजति सहयोग गर्नुपर्नेमा जोड दिनुभयो ।
रिजाल वन्धुहरुको उक्त वृहत जमघट तथा पुजा कार्यक्रमको अवसरमा करिब ६ लाख दिप प्रज्वलन गरिएको छ भने रिजाल वंशावलीकाृ बिमोचनका साथै दुल्लु रिजु क्षेत्रमा प्रख्यात झोडा, माँगल, पञ्चेबाजा, धमारी जस्ता साँस्कृतिक कार्यक्रमहरु समेत प्रस्तुत गरिएको थियो ।
