दिपेन्द्र कार्की बस्ताकोटी, दैलेख
कात्तिक ३०, २०८१
नेपाल तरुण दल दैलेख शाखा अध्यक्षमा मिलन बिश्वकर्मालाई मनोनीत गरिएको छ । नेपाल तरुण दलका केन्द्रीय अध्यक्ष विद्वान गुरुङ्गले बुधबार एक पत्र द्वारा दैलेखको महाबु गाउँपालिका–६ टाकुरी निवासी बिश्वकर्मालाई जिल्ला अध्यक्षको जिम्मेवारी दिइएको उल्लेख गर्नुभएको छ ।
पत्रकारिता, साँगतिक, साहित्य सिर्जनामा दखल राख्नुभएका बिश्वकर्मा युवा पङ्तिमा लोकप्रिय हुनुहुन्छ । तीन वर्ष अघि निर्वाचित जिल्ला अध्यक्ष लालबहादुर चन्द नौमूले गाउँपालिका–६ का वडाध्यक्ष निर्वाचित भएपछि रिक्त रहेको नेपाल तरुण दलको जिल्ला अधयक्षमा बिश्वकर्मालाई जिम्मेवारी दिइएको हो । जिल्ला अध्यक्षको जिम्मेवारी प्राप्त गरेपछि विश्वकर्माले समग्र तरुण दलमा आवद्ध युवाहरुको चाहना , पार्टीको निर्देशन बमोजिम आफु कटिवद्ध रहेको बताउनुभयो ।
